დიალოგის სურვილის მიუხედავად, პუტინი-სააკაშვილის შეხვედრის შედეგად მეტი უთანხმოება გამოიკვეთა
/ 14 Jun.'06 / 11:40
სივილ ჯორჯია
რუსეთისა და საქართველოს პრეზიდენტებმა სანკტ-პეტერბურგში გამართული მოლაპარაკებების შემდეგ განაცხადეს, რომ საუბარი, რომელიც მიზნად ისახავდა ორ ქვეყანას შორის არსებული დაძაბულობის შერბილებას, "საკმაოდ გულწრფელი“ იყო.

მიუხედავად იმისა, რომ ორივე პრეზიდენტი შეეცადა კონსტრუქციული პოზიცია შეენარჩუნებინა, მოლაპარაკებების შემდეგ გამართულ ერთობლივ პრეს-კონფერენციაზე ვლადიმერ პუტინმა და მიხეილ სააკაშვილმა რამდენიმე მკაცრი განცხადება მაინც გააკეთეს ერთმანეთის მისამართით. საქართველოს ლიდერმა რუსეთი აფხაზეთისა და სამხრეთ ოსეთის თვითგამოცხადებულ რეგიონებში საქართველოს ტერიტორიების ანექსიაში დაადანაშაულა, ხოლო რუსეთის პრეზიდენტმა კიდევ ერთხელ გააკეთა მინიშნება ამ ორ რეგიონში მცხოვრებთა თვითგამორკვევის უფლებასთან დაკავშირებით.

მოლაპარაკებები, რომელიც თავდაპირველად 13 ივნისს, საღამოს 8 საათზე იყო დაგეგმილი, დაახლოებით 11 საათზე დაიწყო, ხოლო პრეს-კონფერენცია 14 ივნისს შუაღამისას áƒ©áƒáƒ¢áƒáƒ áƒ“ა.

პოლიტიკური კავშირები/კონტაქტების ნაკლებობა

პრესკონფერენციაზე რუსეთის პრეზიდენტმა ვლადიმერ პუტინმა აღნიშნა, რომ ორ ქვეყანას შორის არსებული ურთიერთობები "ნორმალური არ არის“, თუმცა იქვე ხაზი გაუსვა, რომ მოლაპარაკებები სააკაშვილთან "ძალიან სასარგებლო“ იყო.

"ჩვენ შევთანხმდით მიხეილ ნიკოლაევიჩთან, რომ საქართველომ და რუსეთმა უნდა გადადგან ნაბიჯები ჩვენი ურთიერთობების ნორმალიზებისა და სახელმწიფოთაშორისო კავშირების განვითარების მიზნით კარგი პირობების შესაქმნელად. ჩვენ შევთანხმდით გავაუმჯობესოთ ჩვენი ურთიერთკავშირის მექანიზმი და ჩვენ გავაკეთებთ ამას უახლოეს მომავალში“, - განაცხადა პუტინმა.

მისი თქმით, "ჩვენს შორის არსებული პოლიტიკური ურთიერთობები არ შეიძლება ჩაითვალოს ნორმალურად“.

"არსებობს ორმხრივი სურვილი გამოიძებნოს გზა ამ ვითარებიდან“, - განაცხადა პუტინმა, თან იქვე დასძინა, რომ ურთიერთბრალდებები ორმხრივ ურთიერთობებში "გამოწვეულია კონტაქტების საჭირო დონის ნაკლებობით“.

პრეზიდენტმა სააკაშვილმა მადლობა გადაუხადა რუსეთის პრეზიდენტს შეხვედრისთვის და განაცხადა, რომ დიალოგი უნდა გახდეს იმ ბევრი პრობლემის მოგვარების წინაპირობა, რომლებიც რუსულ-ქართულ ურთიერთობებში დაგროვდა და "რომლებიც ჩვენი სერიოზული შეშფოთების წყაროა“.

"ისტორიულად, პრობლემები კავკასიაში ყოველთვის წყდებოდა სწორად და შედარებით უმტკივნეულოდ, მაშინ როცა საქართველო რუსეთთან იყო და როცა მწვავე პრობლემები ერთობლივი ძალისხმევით და ერთობლივი ენერგიით წყდებოდა. სამწუხაროდ, დღეს არ არსებობს ამგვარი კოორდინაცია და ჩვენ გვსურს ამგვარი კოორდინაციის უზრუნველყოფა“, - განაცხადა სააკაშვილმა. 

მან ასევე აღნიშნა, რომ ორმხრივ ურთიერთობებში არსებული უმეტესი პრობლემები კვლავ მოუგვარებელი რჩება, "მაგრამ ეს არ ნიშნავს, რომ არ უნდა ვეცადოთ მათ მოგვარებას“.

"საქართველოს მზად არის კონსტუქციულობისთვის და ძალიან ღია დიალოგისთვის“, - დასძინა მან.

კონფლიქტები  

პუტინის განცხადებით, სააკაშვილთან შეხვედრის დროს მან "ე.წ. გაყინულ კონფლიქტებთან" დაკავშირებული "უმწვავესი პრობლემები“ განიხილა.

"ბუნებრივია, ამ ხანმოკლე საუბრის დროს, რომელიც ჩვენ შორის შედგა, ეს პრობლემები ვერ მოგვარდება, მაგრამ მინდა ხაზი გავუსვა, რომ ჩვენ გვაქვს სურვილი ერთობლივად ვიმუშავოთ ამ პრობლემებზე“, - განაცხადა პუტინმა.

"კონფლიქტებთან დაკავშირებით არსებობს მოუგვარებელი პრობლემები და აგრესიული სეპარატიზმი კავკასიაში, რომელიც არც ერთი მხარის ინტერესებში არ შედის. და ბუნებრივია, რომ რუსეთის პოზიციის იმედი გვაქვს, რომელმაც ეუთოს მინისტერიალის სხდომაზე ლუბლიანაში [2005 წლის დეკემბერში] მხარი დაუჭირა საქართველოს სამშვიდობო გეგმას სამხრეთ ოსეთთან დაკავშირებით. და ჩვენ იმედი გვაქვს რუსეთის სხვა პოზიტიური ნაბიჯების და თქვენი პირადი მონაწილეობის, ვლადიმერ ვლადიმეროვიჩ, ყველა არსებული პრობლემის მოგვარებაში, რომლებიც დაბრკოლებებს ქმნიან ჩვენს ურთიერთობებში“, - განაცხადა სააკაშვილმა.

კონფლიქტებზე საუბრისას პრეზიდენტმა პუტინმა გაიხსენა ჩეჩნეთის áƒ›áƒáƒ’ალითი და 2003 წლის მარტში რესპუბლიკაში რუსეთის ადმინისტრირებით გამართული რეფერენდუმი.

"ჩეჩნეთთან დაკავშირებული სიტუაცია ჩეჩნეთის კონსტიტუციის შესახებ რეფერენდუმის ჩატარებით დასრულდა. ამ რეფერენდუმზე, ჩეჩნეთის რესპუბლიკის მოსახლეობის დიდმა უმრავლესობამ ამ კონსტიტუციას დაუჭირა მხარი და დაადასტურა, რომ ჩეჩნეთი არის რუსეთის ფედერაციის ტერიტორიულ და კონსტიტუციულ ველში. ამრიგად, თუ გვინდა საკითხი დემოკრატიული გზით მოვაგვაროთ, უნდა გავიგოთ, როგორია ხალხის აზრი“, - განაცხადა პუტინმა.

თუმცა, ამის საპასუხოდ, პრეზიდენტმა სააკაშვილმა აღნიშნა, რომ 90-იანი წლების დასაწყისში 300 000 ქართველი იძულებით გამოაგდეს აფხაზეთიდან.

"რა თქმა უნდა, უნდა ვიკითხოთ ხალხის აზრი, მაგრამ თუ ვინმე იტყვის, რომ ვერ შეძლო ეპოვა ისეთი ვინმე აფხაზეთში, რომელსაც სურს საქართველოსთან ყოფნა, ეს ბუნებრივი იქნება, რადგანაც ისინი, ვისაც ეს სურვული აქვთ, გამოაგდეს აფხაზეთიდან. ანალოგიური სიტუაციაა სამხრეთ ოსეთთან დაკავშირებით“, - განაცხადა სააკაშვილმა.

საქართველოს ლიდერმა ხაზი გაუსვა, რომ "მთავარი საკითხი“, რომელიც რუსულ-ქართული ურთიერთობების დღის წესრიგში დგას მოუგვარებელი კონფლიქტებია. მისი თქმით, თბილისი მზად არის მშვიდობიანი დიალოგისთვის, რათა მოაგვაროს ეს პრობლემები და "პირველ რიგში, რუსეთის მონაწილეობით“.

"ჩვენ კარგად გვესმის, რომ რუსეთის ფედერაცია არის მთავარი პარტნიორი ამ მოლაპარაკებებში“, - განაცხადა მან.

თუმცა, ერთობლივ პრესკონფერენციაზე მან ასევე ისაუბრა რუსეთის პოლიტიკის წინააღმდეგ, რომელიც მხარს უჭერს სეპარატისტულ ხელისუფლებებს აფხაზეთსა და სამხრეთ ოსეთში.

"რეალობა ის არის, რომ მიმდინარეობს ჩვენი ქვეყნის ტერიტორიის ანექსია“, - განაცხადა სააკაშვილმა.

"ჩვენ არავის მივცემთ უფლებას წაგვართვას ჩვენი ტერიტორიები და ვლადიმერ ვლადიმეროვიჩმა რამდენჯერმე განაცხადა, რომ რუსეთს ამგვარი ზრახვები არ გააჩნია. რუსეთის არის უდიდესი ქვეყანა უდიდესი ტერიტორიით. საქართველო პატარა ქვეყანაა, ლამაზი ქვეყანაა და ჩვენ არ გვაქვს მიწები, რომ სხვას მივცეთ. ვერავინ შეძლებს აფხაზეთის და სამხრეთ ოსეთის ტერიტორიის ერთი მეტრის მიღებასაც კი... ყველამ უნდა გაიგოს ეს; ჩვენ არაფერი გვაქვს მისაცემი. ამ კუთხით ძალიან პრინციპული პოზიცია გაგვაჩნია“, - განაცხადა მან.

სააკაშვილმა ასევე დაადანაშაულა რუსეთი ამ სეპარატისტული რეგიონების პირდაპირ მართვაში.   

"რუსეთის ოფიციალური პირები ინიშნებიან იქ, მაგალითად სამხრეთ ოსეთში და ისინი მართავენ ამ ტერიტორიებს - და შემიძლია დავასახელო ეს ოფიციალური პირები, მაგრამ დარწმუნებული ვარ, რომ რუსული მხარე მათ უკეთესად იცნობს. საერთაშორისო სამართალში ამას სხვა არაფერი ეწოდება, თუ არა ანექსია“, - განაცხადა საქართველოს პრეზიდენტმა.

"ბუნებრივია, ჩვენს ხელთ არსებულ ყველა სამართლებლივ მექანიზმს გამოვიყენებთ - და უპირველეს ყოვლისა, ეს არის დიალოგი და უპირველეს ყოვლისა, რუსეთის მონაწილეობით“, - დასძინა მან.

კითხვაზე დაახლოვდა თუ არა ორი პრეზიდენტის პოზიცია კონფლიქტების მოგვარების საკითხებზე, ვლადიმერ პუტინმა განაცხადა: "ცოტა ხნის წინ სოჭში ვიყავი და იქიდან აფხაზეთში გადასვლა ფეხით შეიძლება. ეს პრობლემა არ არის“.

"ვფიქრობ, ვლადიმერ ვლადიმეროვიჩმა სწორად ახლა კიდევ ერთხელ დაადასტურა საქართველოს ტერიტორიული მთლიანობა, რადგანაც სოჭიდან აფხაზეთში ჩასვლა შეიძლება და აფხაზეთი კი საქართველოა“, - განაცხადა სააკაშვილმა.

ეკონომიკა

პრესკონფერენციაზე ვლადიმერ პუტინმა ხაზი გაუსვა, რომ ორ ქვეყანას შორის არსებული ეკონომიკური ურთიერთობები "ძალიან პოზიტიური მიმართულებით“ ვითარდება.

"2005 წელს რუსული ინვესტიციები საქართველოს ეკონომიკაში ხუთჯერ გაიზარდა. რუსული ბიზნესი დაინტერესებულია საქართველოს ქიმიური, სამთო და კვების მრეწველობის ინვესტირებით“, - განაცხადა პუტინმა.

მან ასევე ხაზი გაუსვა, რომ რუსეთში მცხოვრები საქართველოს მოქალაქეები ყოველწლიურად 1,5 მილიარდიდან 2 მილიარდამდე აშშ დოლარს აგზავნიან საქართველოში. მან უარყო ინფორმაცია, თითქოს რუსეთი გეგმავს შეზღუდოს ეს გადარიცხვები საქართველოში.

"მე ასეთი განკარგულება არ გამიცია... [გადარიცხვები] ეს ბევრად მეტია, ვიდრე რაიმე სხვა დახმარება მესამე ქვეყნიდან“, - დასძინა მან.

მან ასევე აღნიშნა, რომ რუსეთი დაინტერესებულია უზრუნველყოს გარანტირებული ენერგო მიწოდება საქართველოში, რადგანაც საქართველოს ენერგოგენერაციის ობიექტების 30% და ასევე ენერგოგამანაწილებელი ობიექტების 30% რუსეთის ენერგო კომპანიას "რაო ეესს“ ეკუთვნის.      

ღვინის პრობლემა

პრეზიდენტმა პუტინმა განაცხადა, რომ რუსეთის მიერ საქართველოდან ღვინის იმპორტის აკრძალვასთან დაკავშირებული საკითხი მოლაპარაკებების დროს არ განხილულა. თუმცა, მან აღნიშნა, რომ ეს პრობლემა მოიხსნება, როგორც კი ფალსიფიკაციასთან დაკავშირებული საკითხები მოგვარდება.

"რუსი ინვესტორები დაინტერესებული არიან საქართველოში ღვინის წარმოებაში. ჩვენ დაინტერესბული ვართ მაღალი ხარისხის პროდუქციის მიღებაში. მე მადლიერი ვარ საქართველოს პრეზიდენტის, რადგანაც მან ძალიან ენერგიული ნაბიჯები გადადგა ამ სექტორში წესრიგის აღდგენისკენ და ჩვენ იგივე უნდა გავაკეთოთ აქ [რუსეთში]. ფალსიფიკაციის დონე ძალიან მაღალია - 60%. თუ მოვახერხებთ ამ პრობლემის მოგვარებას, რუსულ ბაზარზე პროდუქციის შემოსვლის საკითხიც მოგვარდება“, - განაცხადა პუტინმა.

იგი ასევე მიესალმა ქართულ ღვინოს, რომლის წარმოებაც რუსული კაპიტალის მონაწილეობით მოხდება.

აბაშიძის საკითხი

მაისში პრეზიდენტმა სააკაშვილმა რუსეთი საქართველოში ძებნილი, დანაშაულში ეჭვმიტანილი პირებისთვის თავშესაფრის მიცემაში დაადანაშაულა. ერთობლივ პრესკონფერენციაზე სააკაშვილმა კიდევ ერთხელ გაახმოვანა საქართველოს შეშფოთება ამ კუთხით.

"თუ რუსეთის რომელიმე ოფიციალურ ან არაოფიციალურ სტრუქტურას სურს ჩვენ კრიმინალებს თავშესაფარი მისცეს, ჩვენ დიდი სიამოვნებით გავუგზავნით მათ. ჩვენ ისინი არ გვჭირდება“, - განაცხადა სააკაშვილმა.

საქართველოს ყოფილ ოფიციალურ პირთა შორის, რომლებიც ინტერპოლის მიერ იძებნებიან, არის აჭარის ყოფილი ლიდერი ასლან აბაშიძე. აბაშიძე აჭარიდან 2004 წელს გაიქცა და რუსეთს შეაფარა თავი, მას შემდეგ რაც თბილისის ცენტრალურმა ხელისუფლებამ მან უსაფრთხოების გარანტიები მისცა. პრეზიდენტ სააკაშვილის ადმინისტრაციამ იმის პირობაც კი დადო, რომ იგი არ ეცდებოდა აბაშიძის ექსტრადიციას.

როდესაც აბაშიძის შესახებ დაუსვეს კითხვა, ვლადიმერ პუტინმა განაცხადა, რომ საქართველოს გადაწყვეტილება აბაშიძის დაპატიმრების ორდერის გაცემის თაობაზე "უცნაურია“.

"მე არ ვიცოდი, რომ აბაშიძე იძებნებოდა. ეს უცნაურია, რადგანაც აჭარაში განვითარებული მოვლენების დროს [2004 წელს], ქართულმა მხარემ გვთხოვა არ შეგვეფერხებინდა აბაშიძის ჩამოსვლა რუსეთში და მახსოვს ჩვენს შორის მაშინ გამართული მოლაპარაკებები. ვშიშობდი, რომ ჩვენი ქართველი პარტნიორები მოითხოვდნენ მის ექსტრადიციას, მაგრამ ასე გვითხრეს: ნუ გეშინიათ, ჩვენ არ მოვითხოვთ ექსტრადიციას. თუ ეს მაინც მოხდა, ჩვენ ცალკე კონსულტაციებს გავმართავთ ამ საკითხთან დაკავშირებით“, - განაცხადა პუტინმა.

პრესკონფერენციის შემდეგ ქართველ ჟურნალისტებთან საუბრისას პრეზიდენტმა პუტინმა ნათელი პასუხი არ გასცა იმის თაობასე, მიიღო თუ არა მან საქართველოს პრეზიდენტის მოწვევა საქართველოში ვიზიტის თაობაზე.

"ეს უნდა გადაწყდეს საგარეო საქმეთა სამინისტროების დონეზე“, - განაცხადა მან.    

Civil.Ge © 2001-2022