სააკაშვილი: საქართველო და აზერბაიჯანი საზღვარზე მალე შეთანხმდებიან
სივილ ჯორჯია, თბილისი / 14 May.'07 / 10:20

საქართველო და აზერბაიჯანი საზღვრის დელიმიტაციის შესახებ შეთანხმებას მალე მოაწერენ ხელს, განუცხადა პრეზიდენტმა სააკაშვილმა ჟურნალისტებს 12 მაისს თბილისში ვიზიტად მყოფ აზერბაიჯანის პრეზიდენტთან ილჰამ ალიევთან შეხვედრის შემდეგ.

ორ ქვეყანას შორის საზღვრის 35% ჯერ კიდევ შესათანხმებელია, მათ შორისაა ”დავით გარეჯის” მონაკვეთიც. კლდეში გამოკვეთილი ეს სამონასტრო კომპლექსი საქართველოს კულტურული და რელიგიური მემკვიდრეობის ნაწილია.

”მალე გაიმართება [ქართული და აზერბაიჯანული] სამუშაო ჯგუფების შეხვედრა... სტრატეგიული სიმაღლეები დარჩება აზერბაიჯანული კონტროლის ქვეშ, ხოლო სამონასტრო კომპლექსი საქართველოს ტერიტორიაზე უნდა დარჩეს... დარწმუნებული ვარ, ძალიან მალე შევძლებთ შეთანხმების ხელმოწერას,” - განაცხადა სააკაშვილმა.

 

Civil.Ge © 2001-2022