ოპოზიციის აქტივისტებმა რუსთაველის გამზირი გადაკეტეს
სივილ ჯორჯია, თბილისი / 25 Mar.'08 / 12:31

ოპოზიცია 25 მარტს პარლამენტის წინ საპროტესტო აქციის განახლებას გეგმავს, მისმა აქტივისტებმა კი უკვე გადაკეტეს რუსთაველის გამზირი.

მიუხედავად იმისა, რომ 12 საათისთვის პარლამენტის წინ მხოლოდ რამდენიმე ასეული ადამიანი იყო შეკრებილი, ოპოზიციის აქტივისტებმა გამზირი ახლომდებარე პარკიდად მოტანილი გრძელი სკამებით გადაკეტეს.

საპატრულო პოლიცია, რომელიც აქციის ადგილას არ ჩანდა, მიმდებარე ქუჩებზე გადატვირთული ტრანსპორტის რეგულირებით იყო დაკავებული.

24 მარტს გამართულ აქციაზე, ოპოზიციის ლიდერებმა განაცხადეს, რომ გარდა შიმშილობის აქციისა ისინი ”პერმანენტულ საპროტესტო აქციებს” დაიწყებენ, რათა აიძულონ ხელისუფლება არჩევნებთან დაკავშირებულ ძირითად საკითხებზე კომპრომისზე წავიდეს.  
  

Civil.Ge © 2001-2024