რუსეთის რიტორიკა აფხაზეთსა და სამხრეთ ოსეთთან მიმართებაში áƒáƒ áƒ˜áƒ¡ მხოლოდ ტაქტიკა, რომელსაც არ მოყვება შედეგად ამ თვითგამოცხადებული რეგიონების აღიარება მოსკოვის მიერ, განაცხადა პრეზიდენტმა სააკაშვილმა გაზეთ ”კომერსანტთან” ინტერვიუში.

თუმცა, ინტერვიუში, რომელიც 31 მარტს გამოქვეყნდა, სააკაშვილმა ასევე აღნიშნა, რომ ამგვარმა ტაქტიკამ შესაძლოა გამოიწვიოს ”ძალიან ცუდი სტრატეგია; ამდენად, ასეთი თამაში საჭირო არ არის”.

მან ასევე აღნიშნა, რომ მოსკოვში თებერვალში რუსეთის პრეზიდენტთან ვლადიმერ პუტინთან გამართულ შეხვედრაზე, მას უთხრეს, რომ ”რუსეთი არასოდეს აღიარებდა აფხაზეთსა და სამხრეთ ოსეთს... ასეთი პირობა დაიდო áƒ“ა რუსეთმა შეასრულა ეს პირობა”.

მისი თქმით, კრემლმაც და რუსეთის საგარეო საქმეთა სამინისტრომაც ”ბევრჯერ მიანიშნეს”, რომ მოსკოვის საჯარო რიტორიკა მხოლოდ ტაქტიკა იყო, ”რომელიც სერიოზულად არ უნდა იქნას აღქმული”. ”ესე იგი, თქვენ გითხრეს: ჩვენ რამდენიმე განცხადებას გავაკეთებთ და თქვენ არ ინერვიულოთ?” ჰკითხა მას ჟურნალისტმა. ”დიახ,” უპასუხა სააკაშვილმა, ”ეს გარკვეული ტაქტიკაა... ჩვენ ძალიან მშვიდად ვართ და რაიმე გართულებებს არ ველით”.

მან ასევე აღნიშნა, რომ რუსეთის რიტორიკა აფხაზეთსა და სამხრეთ ოსეთთან მიმართებაში áƒ«áƒ˜áƒ áƒ˜áƒ—ადად ნატოს ქვეყნებისკენაა მიმართული, რათა ”დააშინოს ისინი” და ხელი შეუშალოს საქართველოსთვის წევრობის სამოქმედო გეგმის მინიჭებას.

”მაგრამ ნატოს მოკავშირეებს ეს არ შეაშინებთ. თუმცა, ამან შესაძლოა გააუარესოს სიტუაცია კონფლიქტების ზონებში. მე შემიძლია თავშეკავება გამოვიჩინო, რადგანაც მე გამოცდილება მაქვს. მაგრამ იმ ხალხს კონფლიქტების ზონებში ვიწრო áƒ¨áƒ”ხედულება აქვთ, რადგანაც ისინი იზოლირებული არიან და არ გააჩნიათ საკმარისი ინფორმაცია. ასე რომ, მათი გამოყენება საჭირო არ არის. ისინი ყველაფერს სერიოზულად იღებენ და არა როგორც თამაშს. თუმცა, ეს თამაშია და სწორედ ეს გვითხრეს კრემლშიც,” - განაცხადა სააკაშვილმა.