ახალ მთავრობაში ოთხმა მინისტრმა დაკარგა თანამდებობა
სივილ ჯორჯია, თბილისი / 29 Oct.'08 / 17:25

იუსტიციის, კულტურის, ლტოლვილთა და განსახლების და გარემოს დაცვის მინისტრებმა დაკარგეს თანამდებობები ახალ მთავრობაში, რომელსაც პარლამენტი ნდობას, 1 ნოემბერს გამოუცხადებს.

ზურაბ ადეიშვილი, პრეზიდენტის ადმინისტრაციის უფროსი, იუსტიციის მინისტრად დასახელდა, რომელიც ამ პოსტზე ნიკა გვარამიას შეცვლის. ცოტა ხნის წინ მიღებული საკონსტიტუციო ცვლილების თანახმად, გენერალური პროკურატურა იუსტიციის სამინისტროს შეუერთდა. 2008 წლის იანვარში პრეზიდენტის ადმინისტრაციის უფროსის თანამდებობაზე დანიშვნამდე ადეიშვილი გენერალური პროკურორი იყო.

გრიგოლ ვაშაძე, რომელიც ამჟამად საგარეო საქმეთა მინისტრის მოადგილეა, კულტურის მინისტრად დასახელდა. იგი ამ პოსტზე ნიკოლოზ ვაჩეიშვილს შეცვლის.

დეპუტატი კობა სუბელიანი თამარ მარტიაშვილს შეცვლის ლტოლვილთა და განსახლების მინისტრის თანამდებობაზე. სუბელიანს დეპუტატად კენჭისყრამდე უკვე ეკავა ეს áƒ—ანამდებობა.

სამცხე-ჯავახეთის რეგიონის გუბერნატორი გოგა ხაჩიძე გარემოს დაცვის მინისტრს ირაკლი ღვალაძეს შეცვლის.  

ყველა დანარჩენმა მინისტრმა თანამდებობები შეინარჩუნა. 

  • ვანო მერაბიშვილი - შინაგან საქმეთა მინისტრი
  • დავით კეზერაშვილი - თავდაცვის მინისტრი
  • ეკა ტყეშელაშვილი - საგარეო საქმეთა მინისტრი
  • ეკა შარაშიძე - ეკონომიკის მინისტრი
  • ალექსანდრე ხეთაგური - ენერგეტიკის მინისტრი
  • ნიკა გილაური - ფინანსთა მინისტრი
  • სანდრო კვიტაშვილი - ჯანდაცვის და სოციალური უზრუნველყოფის მინისტრი
  • გია ნოდია - განათლების და მეცნიერების მინისტრი
  • ბაკურ კვეზერელი - áƒ¡áƒáƒ¤áƒšáƒ˜áƒ¡ მეურნეობის მინისტრი
  • თემურ იაკობაშვილი - სახელმწიფო მინისტრი რეინტეგრაციის საკითხებში
  • გიორგი ბარამიძე - სახელმწიფო მინისტრი ევრო-ატლანტიკური ინტეგრაციის საკითხებში
  • დავით ტყეშელაშვილი - სახელმწიფო მინისტრი რეგიონალურ საკითხებში
  • იულონ გაგოშიძე - áƒ¡áƒáƒ®áƒ”ლმწიფო მინისტრის დიასპორის საკითხებში

”ლოგიკურია, რომ მთავრობაში უმნიშვნელო ცვლილებები ხორციელდება, რადგანაც მთავრობამ გადალახა ის მთავარი გამოცდა, რასაც ომი ჰქვია; ამიტომ, რაიმე მნიშვნელოვანი ცვლილებების მიზეზს ვერ ვხედავ,” - განაცხადა პარლამენტის თავმჯდომარემ დავით ბაქრაძემ 29 ოქტომბერს.

”მთავრობამ ორგანიზებულად იმუშავა ყველაზე მწვავე პერიოდში. ახლა ჩვენს წინაშე ახალი გამოწვევები დგას და ჩვენ ამ გამოწვევებს უნდა დავუპირისპირდეთ. მნიშვნელოვანია, რომ მომდევნო 18 თვეში დავუბრუნდეთ განვითარების იმ ტემპს, რომელიც ქვეყანაში ომამდე არსებობდა,” - განაცხადა პრემიერ-მინისტრობის კანდიდატმა გრიგოლ მგალობლიშვილმა.  

მისი თქმით, ახლა არ არის დრო მთავრობაში მნიშვნელოვანი საკადრო გადახალისების, თუმცა ”განახლება იქნება ჩემი მუშაობის თანმდევი პრინციპი”. 

მთავრობაში ვიცე-პრემიერები მას შემდეგ დაინიშნებიან, რაც პარლამენტი ნდობას გამოუცხადებს áƒ›áƒ˜áƒœáƒ˜áƒ¡áƒ¢áƒ áƒ—ა კაბინეტს. 

Civil.Ge © 2001-2024