პოლონეთის და საქართველოს ლიდერების კორტეჟის მახლობლად სროლები განხორციელდა
სივილ ჯორჯია, თბილისი / 24 Nov.'08 / 10:48

სროლების ხმა გაისმა, როდესაც საქართველოს და პოლონეთის პრეზიდენტების კოლონა სამხრეთ ოსეთის ადმინისტრაციული საზღვრის ახალგორის მონაკვეთთან მდებარე რუსულ საგუშაგოს მიუახლოვდა, განაცხადეს ქართულმა ტელეკომპანიებმა კვირას საღამოს.

თბილისში პრესკონფერენციაზე საუბრისას პოლონეთის პრეზიდენტმა ლეხ კაჩინსკიმ განაცხადა, რომ მან არ იცის ზუსტად ჰაერში იქნა განხორციელებული გასროლები, თუ სადმე სხვაგან.

პოლონელმა ჟურნალისტმა ჰკითხა პრეზიდენტ სააკაშვილს პრესკონფერენციაზე როგორ მოხდა, რომ ქართველი ჟურნალისტები წინასწარ მოხვდნენ შემთხვევის áƒáƒ“გილას და დადგმული ხომ არ ყოფილა ინციდენტი.

პრეზიდენტმა სააკაშვილმა უპასუხა, რომ შემთხვევის ადგილას ქართველი ჟურნალისტები არ ყოფილან და ერთადერთი ოპერატორი ადგილზე იყო მისი ადმინისტრაციიდან, რომელიც ყოველთვის ახლავს მას. სააკაშვილმა ასევე განაცხადა, რომ იგი არასდროს შეუქმნიდა საფრთხეს პოლონეთის პრეზიდენტის სიცოცხლეს.

ქართულმა ტელეკომპანიებმა უჩვენეს ვიდეომასალა, რომელიც სავარაუდოდ áƒ™áƒáƒ áƒ¢áƒ”ჟში მყოფი მანქანის შიგნიდანაა გადაღებული. მიუხედავად იმისა, რომ ვიდეომასალაში მართლაც ისმის  სროლების ხმა, სატელევიზიო მასალა არასრულია და შეუძლებელია იმის განსაზღვრა, თუ რა მოხდა სინამდვილეში.

პრეზიდენტმა კაჩინსკიმ პოლონელი ჟურნალისტის კითხვის საპასუხოდ განაცხადა: ”ზოგიერთმა შესაძლოა ახლა თქვას, რომ ეს ქართველებმა დადგეს, მაგრამ ამის თქმა ძალიან არასერიოზული იქნებოდა, ამგვარი მიდგომა ძალიან არასერიოზული იქნებოდა”.

”მე აქედან მივმართავ ჩემს მეგობრებს ევროკავშირში და ასევე ჩემს მეგობრებს ამერიკის შეერთებულ შტატებში და ვთხოვ მათ სწორი დასკვნები გააკეთონ ამ ინციდენტიდან, სანამ ძალიან გვიან არ არის,” - განაცხადა კაჩინსკიმ და დასძინა, რომ რუსეთი არ ასრულებს ცეცხლის შეწყვეტის შეთანხმებით აღებულ ვალდებულებებს.

პრეზიდენტმა სააკაშვილმა ასევე განაცხადა, რომ ინციდენტი ნათლად გვახსენებს იმას, რომ რუსეთი განაგრძობს საქართველოს ტერიტორიების ოკუპაციას.

მისი თქმით, ინციდენტი ნათელი მაგალითი უნდა იყოს იმ ევროპელი პოლიტიკოსებისთვის, რომელთაც მიაჩნიათ, რომ რუსეთი ასე თუ ისე ასრულებს ცეცხლის შეწყვეტის შეთანხმებას.

საქართველოს ხელისუფლების წარმომადგენლებმა განაცხადეს, რომ ორმა პრეზიდენტმა ახალგორისკენ გადაუხვია, როდესაც ისინი თბილისიდან კასპის რაიონის სოფელ მეტეხისკენ მიემგზავრებოდნენ, რათა სამხრეთ ოსეთიდან დევნილი მოსახლეობა მოენახულებინათ.   

საქართველოს ხელისუფლების წარმომადგენლებმა ინციდენტს საქართველოს და პოლონეთის პრეზიდენტებზე ”თავდასხმა” უწოდეს.

”ცეცხლი პრეზიდენტების მიმართულებით გაიხსნა,” - განუცხადა პარლამენტის თავმჯდომარემ დავით ბაქრაძემ ქართველ ჟურნალისტებს, ”ეს თავდასხმა უნდა იყოს გამაფრთხილებელი ნიშანი იმ სახელმწიფოებისთვის, რომელთაც კვლავ აქვთ რაღაც ილუზიები რუსეთის რეჟიმთან დაკავშირებით”.

Civil.Ge © 2001-2024