სამხრეთ ოსეთში რუსული სამხედრო ბაზები 99 წლით განთავსდება
სივილ ჯორჯია, თბილისი / 11 Mar.'09 / 12:28

სამხრეთ ოსეთის სეპარატისტულმა მთავრობამ მიიღო გადაწყვეტილება რუსული სამხედრო ბაზებისთვის და მესაზღვრეებისთვის მიწის 99 წლით გამოყოფის თაობაზე.

”სამხრეთ ოსეთის მთავრობის პრეზიდიუმმა მიიღო გადაწყვეტილება გამოყოს მიწა რუსი მესაზღვრეების განსათავსებლად რესპუბლიკაში 99 წლის პერიოდით,” - განუცხადა სეპარატისტული სამხრეთ ოსეთის ლიდერმა ედუარდ კოკოითმა ”ინტერფაქსს” 11 მარტს, ”ვფიქრობ, რომ მიწა რუსული სამხედრო ბაზებისთვის იგივე პერიოდით გამოიყოფა”.

”ჩვენ მიგვაჩნია, რომ რუსეთთან შეთანხმებას საქართველოსთან საზღვრის ერთობლივი დაცვის და რუსული სამხედრო ბაზების განთავსების თაობაზე უახლოეს პერიოდში მოეწერება ხელი,” - დასძინა მან.

ანალოგიური შეთანხმების ხელმოწერა იგეგმება აფხაზეთთანაც, რომელიც ითვალისწინებს რუსული სამხედრო ბაზის განთავსებას რეგიონში 49 წლით.   

 

Civil.Ge © 2001-2022