საზოგადოებრივი ტელევიზია ევროპელი დიპლომატების განცხადების არასწორ ციტირებას აკეთებს
სივილ ჯორჯია, თბილისი / 24 Apr.'09 / 20:12

საზოგადოებრივი მაუწყებლის პირველმა არხმა 24 აპრილს ერთ-ერთ თავის საინფორმაციო გამოშვებაში განაცხადა, რომ ერთობლივ განცხადებაში თბილისში აკრედიტებულმა ევროკავშირის დიპლომატებმა განაცხადეს შეკრების თავისუფლების შესახებ, რომ ”რეკომენდაციას ვაძლევთ ოპოზიციას და ხელისუფლებას უზრუნველყონ ამ უფლების გამოყენება მშვიდობიანი და უსაფრთხო გზებით”.

ამავე ინფორმაციის თანახმად, განცხადება ასევე მოუწოდებდა ორივე მხარეს ”რაც შეიძლება ნაკლებად შეაფერხონ ინსტიტუციების ნორმალური ფუნქციონირება და ყველა მოქალაქის ყოველდღიური ცხოვრება”. ანალოგიური ტექსტი წაიკითხეს პირველი არხის დღის მთავარ საინფორმაციო გამოშვებაში 20 საათზე.

განცხადების ორიგინალი áƒ™áƒ˜, რომელიც ინგლისურ და ქართულ ენებზე გავრცელდა, ამბობს: ”[დიპლომატები] მიესალმებიან იმ ფაქტს, რომ ოპოზიციამ და ხელისუფლებამ უზრუნველყვეს ამ უფლების [მშვიდობიანი შეკრების] მშვიდობიანად გამოყენება და ამ პროცესში დაწესებულებების ფუნქციონირებას და მოქალაქეების ყოველდღიურ ცხოვრებას მინიმალური დაბრკოლებები შეექმნა”.

Civil.Ge © 2001-2024