უცხოური ინვესტიციები შემცირდა
სივილ ჯორჯია, თბილისი / 18 Jun.'09 / 10:18

პირდაპირი უცხოური ინვესტიციები 2009 წლის პირველ კვარტალში 124.7 მილიონ აშშ დოლარამდე შემცირდა გასული წლის ანალოგიურ პერიოდში არსებული 537.6 მილიონი აშშ დოლარიდან, იტყობინება საქართველოს სტატისტიკის დეპარტამენტი.  

ყველაზე მეტი გადინება ტრანსპორტისა და კომუნიკაციების და ასევე საბანკო სექტორში შეინიშნებოდა 22.7 მილიონი და 5.5 მილიონი აშშ დოლარი, შესაბამისად. ტრანსპორტის და კომუნიკაციების სექტორებმა 416.6 მილიონი აშშ დოლარი მოიზიდა 2008 წლის პირველ კვარტალში, ხოლო საბანკო სექტორმა - 136.9 მილიონი აშშ დოლარი.

2009 წლის იანვარ-მარტში პირდაპირმა უცხოურმა ინვესტიციებმა ენერგეტიკის სექტორში 26.2 მილიონი აშშ დოლარი შეადგინა ნაცვლად 362.5 მილიონი აშშ დოლარისა 2008 წლის ანალოგიურ პერიოდში; უძრავი ქონება - 23.6 მილიონი აშშ დოლარი, ნაცვლად 104.2 მილიონისა; მრეწველობა - 18.3 მილიონი აშშ დოლარი, ნაცვლად 398.2 მილიონისა; მშენებლობა - 6.2 მილიონი აშშ დოლარი ნაცვლად 171.8 მილიონისა.

არაბეთის გაერთიანებული საამიროები უმსხვილესი ინვესტორი იყო პირველ კვარტალში - 50.1 მილიონი აშშ დოლარით; მას მოსდევს გაერთიანებული სამეფო - 24.8 მილიონი აშშ დოლარი; ჩეხეთის რესპუბლიკა - 23.7 მილიონი; თურქეთი - 21 მილიონი; ნიდერლანდები - 19.9 მილიონი; იაპონია - 12.2 მილიონი.

2008 წელს პირდაპირმა უცხოურმა ინვესტიციებმა 1.564 მილიარდი შეადგინა; ხოლო 2007-ში 2.014 მილიარდი აშშ დოლარი. 

Civil.Ge © 2001-2024