პრეზიდენტის ადმინისტრაციას ახალი ხელმძღვანელი ჰყავს
სივილ ჯორჯია, თბილისი / 26 Nov.'09 / 10:34

პრეზიდენტის ადმინისტრაციის ახალ ხელმძღვანელად პრეზიდენტის დაცვის სამსახურის უფროსი, თემურ ჯანაშია დაინიშნა, რომელმაც ამ თანამდებობაზე ეკატერინე შარაშიძე შეცვალა.

ადმინისტრაციის ყოფილი ხელმძღვანელი ეკატერინე შარაშიძე პრეზიდენტის მრჩეველი იქნება ეკონომიკურ საკითხებში და ”კოორდინირებას გაუწევს ინვესტიციების მოზიდვას”, განაცხადა პრეზიდენტის ახალმა პრესსპიკერმა მანანა მანჯგალაძემ 25 ნოემბერს.

პრეზიდენტის ადმინისტრაციის ახალი ხელმძღვანელი უშიშროების სტრუქტურებში 1994 წლიდან მუშაობდა, ხოლო 2004 წელს პრეზიდენტის დაცვის უფროსი გახდა.

Civil.Ge © 2001-2024