ჟენევის მოლაპარაკებების მეათე რაუნდი დასრულდა
სივილ ჯორჯია, თბილისი / 31 Mar.'10 / 11:10

მონაწილეებმა 30 მარტს ჟენევის მოლაპარაკებების მეათე რაუნდი გამართეს და შეთანხმდნენ, რომ დისკუსიების მომდევნო რაუნდი 8 ივნისს გაიმართება.

”შედარებით წყნარი და სტაბილური ზოგადი სიტუაციის ფონზე, აღინიშნა, რომ დაძაბულობა კვლავ არსებობს,” - განაცხადეს ერთობლივ განცხადებაში თანათავმჯდომარეებმა ანტი ტურუნენმა გაეროდან, პიერ მორელიმ ევროკავშირიდან და ბოლატ ნურგალიევმა, ეუთოს თავმჯდომარე ქვეყნის, ყაზახეთის სპეციალურმა წარმომადგენელმა.

”აღინიშნა, რომ პროვოკაციული ქმედებები და რიტორიკა არ უწყობს ხელს მიმდინარე მცდელობებს, რომ მოხდეს ადგილზე სიტუაციის სტაბილიზაცია და ამიტომ ისინი თავიდან უნდა იქნას აცილებული,” - განაცხადეს მათ.

თანათავმჯდომარეების განცხადებით, მოლაპარაკებების მეათე რაუნდის დროს მონაწილეებმა განაგრძეს ძალის არგამოყენებასა და უსაფრთხოების  საერთაშორისო მექანიზმებთან დაკავშირებულ სხვადასხვა წინადადებებზე დისკუსიები.

მონაწილეებმა ასევე განიხილეს უგზოუკვლოდ დაკარგულთა და დაპატიმრებულთა საკითხიც. თანათავმჯდომარეების თქმით, მონაწილეები მიესალმნენ ადამიანის უფლებათა საკითხებში ევროპის საბჭოს კომისრის, თომას ჰამარბერგის წვლილს - სწორედ მისი შუამავლობით იქნა გამოშვებული რამოდენიმე ქართველი áƒ“ა ოსი პატიმარი; áƒ›áƒáƒœ ასევე áƒ›áƒ˜áƒáƒ•áƒšáƒ˜áƒœáƒ áƒáƒ áƒ˜ ექსპერტი, რათა დააკვირდნენ საქართველოს ხელისუფლების მიერ წარმოებულ გამოძიებას 2008 წლიდან დაკარგული რამოდენიმე ოსის ადგილსამყოფელთან დაკავშირებით.

”მონაწილეებმა ასევე მიმოიხილეს ყველა დაკავებულის გათავისუფლების საკითხი და შეთანხმდნენ, რომ იმგვარი გადაწყვეტილება, რომელიც ყველას გათავისუფლებით დასრულდება, შემდგომი პოზიტიური მოვლენა იქნება,” - განაცხადეს თანათავმჯდომარეებმა.

29 და 30 მარტს თბილისმა ექვსი პიროვნება გაათავისუფლა - სეპარატისტული სამხრეთ ოსეთის ოთხი მკვიდრი და რუსეთის ორი მოქალაქე ჩრდილოეთ ოსეთიდან.      

Civil.Ge © 2001-2021