ტყიბულის მაღაროში აფეთქებას ერთი ადამიანი ემსხვერპლა
სივილ ჯორჯია, თბილისი / 22 Jan.'11 / 12:14

ერთი მაღაროელი ემსხვერპლა და ოთხი დაშავდა გუშინ ღამით ტყიბულის მაღაროში მომხდარი აფეთქების შედეგად.

დაშავებულები სხეულის თერმული დამწვრობითა და ტრავმული შოკით ჰოსპიტალიზებულები არიან. მედიკოსთა განცხადებით, მათი მდგომარეობა საშუალო სიმძიმისაა. 

2010 წელს ამავე მაღაროში მარტში და აგვისტოში მომხდარი ორი აფეთქების შედეგად რვა მაღაროელი დაიღუპა.

2009 წლის დეკემბერში ერთი მაღაროელი ემსხვერპლა დამცავი ჯებირის ჩამოშლას áƒ¢áƒ§áƒ˜áƒ‘ულის მაღაროში, რომელსაც საქნახშირი, საქართველოს ინდუსტრიული ჯგუფის შვილობილი კომპანია მართავს. ამ ჯგუფის დამფუძნებელია დეპუტატი მმართველი პარტიიდან დავით ბეჟუაშვილი – დაზვერვის სამსახურის ხელმძღვანელის გელა ბეჟუაშვილის ძმა.

Civil.Ge © 2001-2024