კოტე კუბლაშვილი: სასამართლო სისტემის დამოუკიდებლობის მიმართულებით „დიდი ნაბიჯები“ გადაიდგა
სივილ ჯორჯია, თბილისი / 25 Feb.'11 / 13:41

საქართველომ "ძალიან დიდი ნაბიჯები“ გადადგა სასამართლოს დამოუკიდებლობის მიმართულებით და სისტემის მიმართ "მოსახლეობის გაზრდილი ნდობა“ იმის დასტურია, რომ რეფორმები სწორი მიმართულებით ხორციელდება, განაცხადა საქართველოს უზენაესი სასამართლოს თავმჯდომარემ, კოტე კუბლაშვილმა 24 თებერვალს.

"მაგრამ ჩვენ გვინდა, რომ კიდევ უფრო მეტად დამოუკიდებელი და უფრო მეტად ობიექტური იყოს ეს სისტემა,“ – განაცხადა მან და დასძინა, რომ ამ პროცესში ძალიან მნიშვნელოვანია დონორების დაფინანსება.

კუბლაშვილმა ეს განცხადება USAID-ის მიერ დაფინანსებული 19.3 მილიონი აშშ დოლარის ღირებულების ოთხწლიანი პროექტის დაწყების პრეზენტაციაზე გააკეთა. "მართლსაჯულების დამოუკიდებლობის და სამართლებრივი გაძლიერების პროექტი“ ყურადღებას გაამახვილებს ისეთ სფეროებზე, როგორიცაა მართლმსაჯულების ინსტიტუტები, სამოქალაქო საზოგადოების მხარდაჭერა, იურიდიული განათლება და კომერციული სამართალი.

 

Civil.Ge © 2001-2021