ლიდერების გადაწყვეტილებით აქცია საზოგადოებრივ მაუწყებელთან გაგრძელდება
სივილ ჯორჯია, თბილისი / 22 May.'11 / 18:06


მომიტინგეები საზოგადოებრივი მაუწყებლის წინ, 22 მაისი. ფოტო: გურამ მურადოვი/Civil.ge

სახალხო კრებისა და ქართული პარტიის შეთანხმებული პოზიციის მიხედვით, რომელიც ლიდერებს შორის გამართული მოლაპარაკებების შემდეგ გამოცხადდა, საპროტესტო აქცია გაგრძელდება საზოგადოებრივი მაუწყებლის წინ და ამავე ადგილიდან გავა ეთერში ტელეკომპანია "მაესტრო“. 

"იქნება პირდაპირი შესაძლებლობა იმისა, რომ მთელმა საქართველომ და მათ შორის საზღვარგარეთმა უყუროს რა ხდება ამ მოედანზე და თუ ხელისუფლება გაბედავს ამ მოედანზე პროვოკაციას, მას მოუწევს იგივეს განმეორება, რაც გააკეთა თავის დროზე [2007 წლის ნოემბერში ტელეკომპანია] "იმედის“ დარბევის დროს, რაც იყო კატასტროფული შეცდომა, რაც იყო აბსოლუტურად მიუღებელი და ძალიან ძვირად დაუჯდა ჩვენს ხელისუფლებას... გაცილებით ძვირად დაუჯდება ახლა დამოუკიდებელი ტელევიზიის და ტელეეთერის დარბევის მცდელობა, მაგრამ ჩვენ, რა თქმა უნდა, მათ დარბევის საშუალებას არ მივცემთ,“– განუცხადა სახალხო კრების და "დემოკრატიული მოძრაობის" ლიდერმა ნინო ბურჯანაძემ აქციის მონაწილეებს.

ტელეკომპანია "მაესტროს“ მმართველი კომპანიის áƒ“ამფუძნებელია ქართული პარტიის ერთ–ერთი ლიდერი ეროსი კიწმარიშვილი, ხოლო áƒ™áƒáƒ›áƒžáƒáƒœáƒ˜áƒ˜áƒ¡ აქციების 25%–ის მფლობელია ამავე პარტიის თანადამფუძნებლის ლევან გაჩეჩილაძის ძმა, გია გაჩეჩილაძე, 25%–ს კი ფლობს დიზაინერი მაკა ასათიანი, რომლის მეუღლეც, კოტე გოგელია ასევე ქართულ პარტიასთან ასოცირდება. 

მას შემდეგ, რაც "მაესტროსთან“ დაკავშირებული გადაწყვეტილება გამოცხადდა, გია გაჩეჩილაძემ აქციაზე გამოსვლისას განაცხადა, რომ "ყველაფერი კეთდება“ იმისათვის, რომ "პირადად მე დღეს დავიწყო ახალი გადაცემა პირდაპირ ამ მოედნიდან“. 

გია გაჩეჩილაძემ, მომღერალმა მეტსახელად "უცნობმა“ 2009 წლის გაზაფხულის ქუჩის საპროტესტო აქციებში საკმაოდ მნიშვნელოვანი როლი ითამაშა გადაცემა ”საკანი â„–5”-ის მეშვეობით, რომელიც ტელეკომპანია "მაესტროს“ ეთერში áƒ—ვეების áƒ’ანმავლობაში გადიოდა.

ნინო ბურჯანაძემ ასევე განაცხადა, რომ აქციაზე შეკრებილი ხალხის რაოდენობა, რაც ნაკლებია გუშინდელთან შედარებით, "არ არის საკმარისი“ და  უნდა მოხდეს "ძალების მაქსიმალური მობილიზაცია“, რაშიც თავისი წვლილს ასევე შეიტანს ქართული პარტია, რომელიც აქციებს დღეიდან შეუერთდა.

"თუ ჩვენ ვიქნებით თუნდაც ხვალვე იმ რაოდენობის ადამიანები, რაც საკმარისია კრიტიკული მოქმედებებისათვის... ჩვენ ერთი წამით არ დავიხევთ უკან,“– მიმართა ბურჯანაძემ მომიტინგეებს, თუმცა იქვე დასძინა: "ჩვენ აქედან ფეხსაც არ მოვიცვლით. რამდენიც ვიქნებით, იმდენი ვიბრძოლებთ“.

მან ასევე განაცხადა, რომ სახალხო კრების "კარი ღიაა" ყველა áƒ¡áƒ®áƒ•áƒ პოლიტიკური პარტიისთვის, მაგრამ "რა თქმა უნდა, ჩვენ არ დავუშვებთ იმას, რომ ოდნავი ხინჯიც კი გაგვიჩნდეს რაიმე გადაწყვეტილების შესრულებასთან დაკავშირებით“. მისი ინფორმაციით, პოლიტიკური პარტიების ოფისებში საპროტესტო აქციებში ჩართვასთან დაკავშირებით კონსულტაციები იმართება. 

Civil.Ge © 2001-2021