სააკაშვილი: ‘სერიოზული ოპოზიცია ცდილობს წარსულში დაგვაბრუნოს’
სივილ ჯორჯია, თბილისი / 29 Oct.'11 / 12:54

პრეზიდენტმა სააკაშვილმა განაცხადა 28 ოქტომბერს, რომ საქართველოში „ერთ–ერთი სერიზული ოპოზიცია“ ცდილობს ქვეყანა წარსულში დააბრუნოს, თუმცა ამგვარი მცდელობა წარუმატებელი იქნება, რადგანაც მას არ აქვს ხალხის მხარდაჭერა.

„საქართველოში ერთ-ერთი სერიოზული ოპოზიცია ცდილობს წარსულში დაგვაბრუნოს. ვფიქრობ, წარსულში დაბრუნება აქ არავის უნდა, თუმცა, შესაძლოა, მოქალაქეების 10-15%-ს უნდოდეს, მაგრამ ეს მომაკვდავი მენტალიტეტია და უკან დაბრუნების შანსი არ არსებობს“, - განაცხადა საქართველოს პრეზიდენტმა უკრანელ ბიზნესმენებთან და უკრაინის ვიცე–პრემიერთან სერგეი ტიგიპკოსთან შეხვედრაზე თბილისში.

ეს ციტატა საქართველოს პრეზიდენტის ადმინისტრაციის მიერ შეხვედრის შესახებ გავცელებული პრეს–რელიზიდაა, თუმცა დაკონკრეტებული არ არის ვის გულისხმობს „სერიოზულ ოპოზიციაში“; თუ ეს მინიშნება ბიძინა ივანიშვილს ეხება, ამგვარი განცხადება სააკაშვილის პირველ საჯარო კომენტარად შეიძლება áƒ©áƒáƒ˜áƒ—ვალოს ივანიშვილის გადაწყვეტილებაზე პოლიტიკაში წასვლის თაობაზე.

სააკაშვილმა ასევე განაცხადა, რომ „ჩვენ არ გვაქვს იმის პრეტენზია, რომ იდეალურები ვართ“ და რომ პრობლემები კვლავ რჩება, მაგრამ საქართველომ რეფორმების გზით პროგრესს მიაღწია და ქვეყნის განვითარების პროცესი შეუქცევადია.

 

 

Civil.Ge © 2001-2022