ივნისის დასაწყისში ბათუმში áƒ’ამართული სტრატეგიული პარტნიორობის კომისიის პლენარული სხდომის შემდეგ ამერიკის შეერთებულმა შტატებმა და საქართველომ 14 ივნისს ერთობლივი განცხადება გამოაქვეყნეს, რომელიც პრიორიტეტულ სფეროებზე მომუშავე áƒáƒ—ხ სამუშაო ჯგუფში áƒ¨áƒ”მდგარი áƒ›áƒáƒšáƒáƒžáƒáƒ áƒáƒ™áƒ”ბების შედეგებს აჯამებს.

ერთობლივი განცხადება დამატებით ინფორმაციას იძლევა თავდაცვის სფეროში თანამშრომლობის ახალ სფეროებზე, რომელთა შესახებაც áƒáƒ¨áƒ¨–ის სახელმწიფო მდივანმა ჰილარი კლინტონმა 5 ივნისს ბათუმში ვიზიტის დროს ისაუბრა.    

„ჩვენ განვიხილეთ ის გზები, რომლითაც დახმარებას გავუწევთ საქართველოს, რათა განავითაროს საჰაერო სათვალთვალო და საჰაერო თავდაცვისა და სანაპირო სათვალთვალო შესაძლებლობები, თავდაცვითი საბრძოლო საინჟინრო შესაძლებლობები, აგრეთვე გააუმჯობესოს სერჟანტების მეწინავე და საწვრთნელი უნარ-ჩვევები, ბრიგადის შტაბის მართვისა და კონტროლის შესაძლებლობები და მოემზადოს სატრანსპორტო შვეულმფრენთა ფლოტის გასაახლებლად“, – ნათქვამია განცხადებაში. 

„მომდევნო თვეებში ანალიზისა და შეფასების ეტაპიდან იმპლემენტაციის ეტაპზე გადასვლასთან ერთად, აშშ განიხილავს საქართველოს მოთხოვნებს, შეისყიდოს თავდაცვითი საშუალებები და მომსახურება აღნიშნული წვრთნისა და დახმარების შესაბამისად“, – ნათქვამია განცხადებაში.

აშშ–საქართველოს სტრატეგიული პარტნიორობის ქარტიაში ასახული დანარჩენი სამი პრიორიტეტია დემოკრატია; ვაჭრობა და ეკონომიკა; ხალხთა შორის კონტაქტები და კულტურული გაცვლა.

ერთობლივი განცხადების თანახმად, დემოკრატიისა და მმართველობის სამუშაო ჯგუფმა „კიდევ ერთხელ დაადასტურა ღია და კონკურენტული საარჩევნო გარემოს მნიშვნელობა, მათ შორის, 2012 წლის საპარლამენტო და 2013 წლის საპრეზიდენტო არჩევნებამდე პერიოდში თანაბარი სამოქმედო ველის, ღია დებატისა და მოქალაქეთა მიერ ინფორმაციისა და შეხედულებათა ფართო სპექტრზე წვდომის მნიშვნელობა“. áƒ¨áƒ”ერთებულმა შტატებმა „ხაზგასმით“ აღნიშნა, რომ მომავალი არჩევნები საქართველოს საშუალებას აძლევს დემოკრატიული კულტურა განამტკიცოს,  რაც „ევროატლანტიკური მისწრაფებების განხორციელებასთან საქართველოს კიდევ უფრო დააახლოვებს“. განცხადებაში ასევე ნათქვამია, რომ ვაშინგტონმა აღნიშნა „უმცირესობათა უფლებების დაცვაში საქართველოს მიერ მიღწეული პროგრესი“.

ეკონომიკის, ენერგეტიკისა და ვაჭრობის სამუშაო ჯგუფმა განიხილა სავაჭრო და საინვესტიციო საკითხებზე 29 მაისს გამართული მაღალი დონის დიალოგის შედეგები, „რომლის ფარგლებშიც განხილულ იქნა სხვადასხვა საშუალებები ორმხრივი ვაჭრობის გასაღრმავებლად, მათ შორის, თავისუფალი სავაჭრო შეთანხმების შესაძლებლობა“. „ეს დიალოგი ურთიერთმომგებიანია აშშ-სა და საქართველოსათვის იმის გათვალისწინებით, რომ ვაგრძელებთ იმ შესაძლებლობათა იდენტიფიცირებას, რომლებიც ბიზნესებს ესაჭიროება საქართველოში ინვესტირების მიზნით“, – ნათქვამია განცხადებაში.

ხალხთაშორისი სამუშაო ჯგუფის მონაწილეებმა განიხილეს „აფხაზეთისა და ცხინვალის/სამხრეთ ოსეთის ოკუპირებულ რეგიონებში მცხოვრებ ადამიანებთან საქართველოს მიერ კონტაქტის ხელშეწყობის გზები“. ამ კონტექტსში áƒ¨áƒ”ერთებულმა შტატებმა áƒ’აიმეორა, რომ „მალე მთელი მსოფლიოს მასშტაბით აშშ-ის საელჩოები და საკონსულოები დაიწყებენ სტატუს-ნეიტრალური დოკუმენტების მიღებას ამ ორივე რეგიონის იმ მცხოვრებთათვის, რომლებსაც მათი გამოყენების სურვილი ექნებათ“.