პარლამენტმა დღეს ამნისტიის შესახებ კანონპროექტზე, რომელიც 3 000–ზე მეტი პატიმრის გათავისუფლებას და ათასობით პატიმრისთვის სასჯელის შემცირებას ითვალისწინებს, პრეზიდენტის ვეტო დაძლია - 91 ხმით 24–ის წინააღმდეგ.     

სულ ცოტა 89 ხმა, ანუ სიითი შემადგენლობის áƒ¡áƒáƒ›áƒ˜ მეხუთედი იყო საჭირო ვეტოს დასაძლევად. კოალიცია „ქართულ ოცნებას“ ამჟამად 83 დეპუტატი ჰყავს და áƒ›áƒáƒœ იმ დეპუტატების მხარდაჭერა მოიპოვა, რომელთაც ცოტა ხნის წინ დატოვეს ნაციონალური მოძრაობა. áƒ•áƒ”ტოს დაძლევაში მონაწილეობა მიიღო ასევე ორმა დეპუტატმა ნაციონალური მოძრაობიდან: სენაკის მაჟორიტარმა გურამ მისაბიშვილმა, რომელიც დეპუტატად არჩევამდე სამეგრელო–ზემო სვანეთის გუბერნატორი იყო და áƒ’იორგი ფეიქრიშვილმა, გარდაბნის მაჟორიტარმა ნაციონალური მოძრაობიდან.

• სააკაშვილი პარლამენტს მისი ვეტოს დაძლევის გამო აკრიტიკებს

27 დეკემბერს პრეზიდენტმა სააკაშვილმა კანონპროექტს ვეტო დაადო და პარლამენტს დაუბრუნა შენიშვნებით.

პრეზიდენტი წინააღმდეგი იყო ამნისტია შეხებოდა იმ 190 პატიმარს, რომლებიც პარლამენტმა 5 დეკემბრის რეზოლუციით პოლიტპატიმრებად ცნო. იგი ასევე სთავაზობდა დეპუტატებს არ შეხებოდათ სასჯელის ერთი მეოთხედით შემცირება იმ მსჯავრდებულებს, რომლებიც არასრულწლოვანთა წინააღმდეგ სქესობრივი დანაშაულისთვის იხდიდნენ სასჯელს.

პრეზიდენტის შენიშვნა ასევე ეხებოდა ფრაზას კანონპროექტის პრეამბულიდან: „სამართლიანობის აღდგენაზე საზოგადოების მოთხოვნის შესაბამისად“; პრეზიდენტს სურდა, რომ ეს ფრაზა ამოეღოთ კანონპროექტიდან.

პრეზიდენტის შენიშვნები პარლამენტმა ჩააგდო 83 ხმით 33–ის წინააღმდეგ და ისევ მის მიერ მიღებულ ვარიანტს დაუჭირა მხარი.

ახლა კანონპროექტი ისევ გადაეგზავნება პრეზიდენტს, თუმცა თუ იგი კვლავ არ მოაწერს მას ხელს, მაშინ პარლამენტის თავმჯდომარეს თავად ექნება უფლება ხელი მოაწეროს კანონპროექტს, რის შემდეგაც იგი ძალაში შევა საკანონმდებლო მაცნეს ვებგვერდზე áƒ’ამოქვეყნებისთანავე.     

„მე რა თქმა უნდა მოვაწერ ხელს ამ კანონპროექტს, თუ პრეზიდენტი კვლავ უარს იტყვის მის ხელმოწერაზე“, – განაცხადა უსუფაშვილმა. 

დეპუტატები ნაციონალური მოძრაობიდან კატეგორიული წინააღმდეგი იყვნენ, რომ ამნისტია იმ 190 პატიმარს შეხებოდა, რომლებიც პარლამენტმა პოლიტპატიმრებად ცნო; პრეზიდენტის მსგავსად, ნაციონალური მოძრაობის დეპუტატებიც იმ პირებზე აკეთებდნენ აქცენტს, რომლებიც რუსეთის სასარგებლოდ ჯაშუშობისთვის და მუხროვანის ამბოხებასთან დაკავშირებით იხდიდნენ სასჯელს. ნაციონალური მოძრაობის დეპუტატები აცხადებდნენ, რომ ამ პირების გათავისუფლება უარყოფით პრეცედენტს ქმნიდა და სახელმწიფოებრიობის წინააღმდეგ მიმართულ ქმედებას წარმოადგენდა. „ქართული ოცნების“ მტკიცებით, ეს პირები მტკიცებულებების ნაკლებობის პირობებში გაასამართლეს.

შინაგან საქმეთა მინისტრმა ირაკლი ღარიბაშვილმა განაცხადა 27 დეკემბერს, რომ áƒžáƒ áƒ”ზიდენტის მსგავსად, ისიც ეწინააღმდეგებოდა ჯაშუშების გათავისუფლებას.

დებატების დროს ნაციონალური მოძრაობის დეპუტატები ხშირად იშველიებდნენ  ღარიბაშვილის ამ განცხადებას. საპარლამენტო უმცირესობის ლიდერმა, დეპუტატმა დავით ბაქრაძემ განაცხადა, რომ უცნაურია, რომ მთავრობა, პრეზიდენტი და საპარლამენტო უმცირესობა იგივე პოზიციას იზიარებს ამ კონკრეტულ საკითხთან დაკავშირებით.