პრემიერ–მინისტრმა ბიძინა ივანიშვილმა განაცხადა, რომ საქართველოს საგარეო პოლიტიკური პრიორიტეტები “უახლოეს მომავალში“ არ შეიცვლება და დასძინა, რომ ნატოსთან და რუსეთთან კარგი ურთიერთობების áƒ¨áƒ”საძლებელია და ამის მაგალითად სომხეთი მოიყვანა.

როდესაც სომხეთში ვიზიტის დროს რადიო „თავისუფლების" სომხურმა რედაქციამ 17 იანვარს ინტერვიუს დროს ჰკითხა მას შეიცვლება თუ არა საქართველოს საგარეო პოლიტიკური პრიორიტეტები, მან უპასუხა: „არა მგონია, რომ უახლოეს მომავალში ეს მოხდეს. მაგრამ ზოგადად ქვეყნები ვითარდება, ხალხი ვითარდება, საზოგადოება ვითარდება. ისინი იცვლიან პრიორიტეტებს, მაგრამ მე არ მგონია, რომ უახლოეს მომავალში ჩვენ შევცვლით პრიორიტეტებს“.

„ჩვენ ბევრჯერ გვითქვამს ჩვენი პრიორიტეტების შესახებ – ეს არის ევროპა, ევრო–ატლანტიკული ალიანსი. ჩვენ განუხრელად ვივლით ამ მიმართულებით“, – განაცხადა მან.

„მაგრამ პარალელურად წარმოიშვება კითხვა – შესაძლოა თუ არა შევათავსოთ ურთიერთობების აღდგენა და მეგობრული ურთიერთობების დამყარება რუსეთთან და ამასთან ერთად კარგი ურთიერთობა გვქონდეს ნატოსთან, ვისწრაფვოდეთ ნატოსკენ და კარგი ურთიერთობები გვქონდეს ამერიკასთან და ნატოს წევრ ქვეყნებთან? მე ვფიქრობ, რომ სომხეთი კარგი მაგალითია და სომხეთი კარგ მაგალითს წარმოადგენს ქართველებისთვის, რაც მხოლოდ თეთრი შურით გვშურს“, – განაცხადა მან.

„სომხეთს საუკეთესო ურთიერთობა აქვს რუსეთთან და ასევე საუკეთესო ურთიერთობები აქვს ამერიკასთან და ნატოს წევრ სახელმწიფოებთან. შესაბამისად, ეს ყველაფერი შესაძლებელია და მე მიმაჩნია, რომ ჩვენ ვალდებული ვართ და მე ძალიან მჯერა, რომ ჩვენ მოვახერხებთ ამის შეთავსებას“, – დასძინა ივანიშვილმა.