მარცხნიდან მარჯვნივ: თავდაცვის მინისტრი ირაკლი ალასანია, პრემიერ-მინისტრი ბიძინა ივანიშვილი და საგარეო საქმეთა მინისტრი მაია ფანჯიკიძე ვაზიანის ბაზაზე 30 აპრილს გამართულ საჩვენებელ სამხედრო წვრთნებს ადევნებენ თვალს. ფოტო: პრემიერ-მინისტრის პრესსამსახური.

საქართველომ მიზნად დაისახა ნატოს წევრობის სამოქმედო გეგმა (MAP) 2014 წელს, áƒáƒšáƒ˜áƒáƒœáƒ¡áƒ˜áƒ¡ მომდევნო სამიტზე áƒ›áƒ˜áƒ˜áƒ¦áƒáƒ¡, განაცხადა პრემიერ–მინისტრმა ბიძინა ივანიშვილმა.

„შემდეგ წელიწადს ჩვენ უნდა მოვახერხოთ, ძალიან მკვეთრი ნაბიჯი უნდა გადავდგათ და MAP მაინც უნდა მივიღოთ“, – განაცხადა პრემიერ–მინისტრმა ივანიშვილმა 30 აპრილს შეიარაღებული ძალების 22 წლის იუბილესადმი მიძღვნილ ღონისძიებაზე.   

„ამაზე მეტს ალბათ ვერც მივიღებთ, მაგრამ ძალიან მკაცრად დავგეგმეთ, რომ შემდეგ წელს, როდესაც იქნება ნატოს შეკრება, ჩვენ უნდა მოვახერხოთ და გადავდგათ მძლავრი ნაბიჯი ამ მიმართულებით“, – განაცხადა ივანიშვილმა, რასაც დამსწრე საზოგადოების აპლოდისმენტები მოყვა.

მან ასევე განაცხადა, რომ საქართველო უნდა გახდეს ნატოს წევრი სახელმწიფო და „იმ სამხედრო მოსამსახურეებს, რომლებიც ავღანეთში იცავენ ჩვენი ქვეყნის ღირსებას... ამით ყველაზე დიდი წვლილი შეაქვთ ჩვენს სტრატეგიაში [რაც ნატოში ინტეგრაციას გულისხმობს]“. 

მართალია მისი მთავრობის ზოგიერთმა წევრმა, მათ შორის თავდაცვის მინისტრმა ირაკლი ალასანიამ, განაცხადა, რომ ისინი იზიარებენ პრემიერ–მინისტრის ოპტიმიზმს, მაგრამ თავიანთ განცხადებებში სიფრთხილით მოეკიდნენ მომავალ წელს MAP–ის მიღების პერსპექტივას.

ალასანიას თქმით, ქვეყანას აქვს ამბიცია, რომ რეფორმების გზით, რომლებიც ამჟამად თავდაცვის, უსაფრთხოების და კანონის უზენაესობის კუთხით მიმდინარეობს, საქართველო მზად იქნება გადადგას ძლიერი ნაბიჯი და ნატოს დაუახლოვდეს. მისი თქმით, ნატოზეა დამოკიდებული, თუ როგორი იქნება ეს ნაბიჯი და რა დაერქმევა ამ ინტეგრაციას. თავდაცვის მინისტრმა ასევე განაცხადა, რომ იგი იზიარებს პრემიერ–მინისტრის ოპტიმიზმს, თუმცა სასურველი შედეგების მიღწევას ბევრი მუშაობა დასჭირდება.

სახელმწიფო მინისტრმა ევროპისა და ევრო–ატლანტიკური ინტეგრაციის საკითხებში ალექსი პეტრიაშვილმა განაცხადა, რომ მას არ სურს, რომ გადაჭარბებული მოლოდინები შეიქმნას, თუმცა 24–საათიანი მუშაობით ყველაფრის მიღწევა იქნება შესაძლებელი.

მანამდე 30 აპრილს პრემიერ–მინისტრი რამდენიმე მინისტრთან და პარლამენტის თავმჯდომარესთან დავით უსუფაშვილთან ერთად ვაზიანის სამხედრო ბაზაზე საჩვენებელ áƒ¬áƒ•áƒ áƒ—ნებს დაესწრო, რომელიც საქართველოს შეიარაღებული ძალების 22 წლის აღსანიშნავად გაიმართა.

2008 წლის ნატოს ბუქარესტის სამიტზე საქართველოს წევრობის სამოქმედო გეგმაზე (Membership Action Plan - MAP) უარი უთხრეს, თუმცა დაპირდნენ, რომ áƒ¥áƒ•áƒ”ყანა ოდესმე მომავალში აუცილებლად გახდებოდა ალიანსის წევრი.

2008 წლის სექტემბერში ნატო–საქართველოს კომისია შეიქმნა – მთავარი მექანიზმი, რომლის საშუალებითაც ამჟამად ალიანსთან საქართველოს თანამშრომლობის ზედამხედველობა ხორციელდება.

ასევე 2008 წლის დეკემბერში ყოველწლიური ეროვნული პროგრამა (Annual National Programme - ANP) დაინერგა – საქართველოს მიერ ნაკისრი რეფორმების ნუსხა,  რომელსაც ყოველწლიურად საქართველოს ხელისუფლება ადგენს და შემდეგ მათ შესრულებას ნატო აფასებს.

როგორც ერთმა დიპლომატმა განაცხადა, თავისი არსით ANP ფაქტიურად იგივე „დე ფაქტო წევრობის სამოქმედო გეგმაა“.

თუმცა, 2009 წლის აპრილში სტრასბურგსა და კელში გამართულ სამიტზე ნატოს ლიდერებმა განაცხადეს, რომ MAP–ი კვლავაც რჩება იმ საკითხად, რომელზეც ალიანსს მოუწევს გადაწყვეტილების მიღება, სანამ საქართველო ნატოსთან ინტეგრაციის შემდგომ ეტაპზე გადავა.

29 აპრილს თბილისში ნატოს საპარლამენტო ასამბლეის ”როუზ-როსის“ სემინარზე საუბრისას ნატოს სამეკავშირეო ოფისის ხელმძღვანელმა უილიამ ლაჰიუმ განაცხადა, რომ „უდავოა, რომ საქართველომ უზარმაზარ პროგრესს მიაღწია“ და დასძინა, რომ წინა ხელისუფლებამ ქვეყნის მმართველობის სტაბილიზაცია მოახდინა.

„ახალმა მთავრობამ ჩაიბარა ის პირობები, რომელიც მას გადაეცა და იმ სფეროების რეფორმირებაზე გადავიდა, რომლებიც მიაჩნია, რომ უფრო გამჭირვალე, უფრო ღია და უფრო დემოკრატიული უნდა იყოს“, – განაგრძო მან, “ეს ნათლად ჩანს მათ კანონმდებლობაში, სამთავრობო სტრუქტურების საქმიანობაში, როდესაც ისინი იწვევენ მოკავშირეების წარმომადგენლებს, საერთაშორისო ორგანიზაციებს, არასამთავრობო ორგანიზაციებს, რათა მათ საკუთარი თვალით იხილონ, თუ რა სახის ტრანსფორმაციები მიმდინარეობს“.