ლავროვი საქართველოს საპრეზიდენტო არჩევნების შესახებ
სივილ ჯორჯია, თბილისი / 28 Oct.'13 / 14:25

რუსეთის საგარეო საქმეთა მინისტრმა სერგეი ლავროვმა ქართველ ხალხს საპრეზიდენტო არჩევნების სამართლიანად ჩატარება მიულოცა და იმედი გამოთქვა, რომ საქართველოს ახალი ხელისუფლება რუსეთის მიმართ „კეთილმეზობლურ“ პოლიტიკას გაატარებს. 

„ვუსურვებთ ქართველ ხალხს მალე დაასრულონ ხელისუფლების ახალი ორგანოების ფორმირებისთვის ყველა საორგანიზაციო საკითხი და ვიმედოვნებთ, რომ რუსეთის მიმართულებით ეს ხელისუფლება გაატარებს მეგობრულ, კეთილმეზობლურ პოლიტიკას ამ, არც ისე მარტივ რეგიონში არსებული თანამედროვე რეალიების გათვალისწინებით“, - განაცხადა ლავროვმა 28 ოქტომბერს „რია ნოვოსტის“ ცნობით.

რუსეთის საგარეო უწყების ხელმძღვანელის თქმით, არსებული ინფორმაციის თანახმად „არჩევნებმა ჩაიარა თავისუფლად, სამართლიანად, არავინ მის შედეგებს არ აპროტესტებს“. 

ცესკოს áƒ¬áƒ˜áƒœáƒáƒ¡áƒ¬áƒáƒ áƒ˜ მონაცემებით, რომელიც უბნების 99%-ის შედეგებს ეყრდნობა, 27 ოქტომბრის არჩევნებში ქართული ოცნების კანდიდატმა გიორგი მარგველაშვილმა 62.12%-ით დამაჯერებლად გაიმარჯვა; მას 21.72%-ით სამჯერ ჩამორჩება ნაციონალური მოძრაობის კანდიდატი დავით ბაქრაძე და ექვსჯერ პარლამენტის ყოფილი თავმჯდომარე ნინო ბურჯანაძე, რომელსაც ამომრჩეველთა 10.18%-მა დაუჭირა მხარი. 

 
 
 

Civil.Ge © 2001-2022