პრეზიდენტი მარგველაშვილი სამოქალაქო კამპანიის „ეს შენ გეხება - ისევ გვისმენენ“ მონაწილეებს შეხვდა და იმ პრობლემების მოგვარების აუცილებლობა აღნიშნა, რომელიც უკონტროლო მოსმენების კუთხით ჯერ კიდევ არსებობს კანონმდებლობასა და პრაქტიკაში.

სამოქალაქო ორგანიზაციების ფართო ჯგუფმა კამპანია 6 მარტს დაიწყო áƒ˜áƒ› მექანიზმების შექმნის მიზნით, რომელიც შეზღუდავს მთავრობის შესაძლებლობებს აწარმოოს „უკონტროლო ფარული მიყურადება“.

მიესალმა რა ამგვარ აქტიურობას, გიორგი მარგველაშვილმა განაცხადა, რომ აუცილებელია იმ მონაპოვარის დაცვა, რომელიც 2012 წლის 1 ოქტომბერს ხელისუფლების ცვლილებამ მოიტანა საზოგადოების მხრიდან ხელისუფლების მიმართ ნდობის აღდგენის თვალსაზრისით.

„2012 წლის 1 ოქტომბერს სწორედ ეს ნდობა აღდგა ხელისუფლებასა და საზოგადოებას შორის, როდესაც ხელისუფლება აღარ იყო აღქმული როგორც გარკვეული ადამიანის უფლებების დამრღვევი, არამედ აქცენტი გაკეთდა იმაზე, რომ ხელისუფლებამ უნდა დაიცვას მართლწესრიგი და ამავე დროს დაიცვას ადამიანის უფლებები“, - განაცხადა მარგველაშვილმა შეხვედრის დასრულების შემდეგ.

მან ყველა მხარეს მოუწოდა ჩართულობისკენ იმ „ბალანსის“ პოვნის საქმეში, რომელიც უნდა შედგეს ერთის მხრივ, წესრიგის დაცვის შესახებ სახელმწიფოს ვალდებულებას და მეორეს მხრივ, ადამიანის უფლებებსა და თავისუფლებებს შორის.

„ეს არის ის სახელმწიფოებრივი ბალანსი, რომელიც აუცილებლად უნდა შედგეს და რომელიც უნდა გამოიხატოს კანონში“, - განაცხადა მან და იმედი გამოთქვა, რომ ფართე ჩართულობის გზით, „საბოლოოდ სწორედ ევროპული სტანდარტების კანონს მივიღებთ“.

სამოქალაქო კამპანიის წარმომადგენლები მიესალმნენ პრეზიდენტის პოზიციას და იმედი გამოთქვეს, რომ მისი პროცესში ჩართულობა რეფორმის გატარებას ხელს შეუწყობს.

პარლამენტის თავმჯდომარემ დავით უსუფაშვილმა 14 მარტს განაცხადა, რომ პარლამენტი გადადგამს საკანონმდებლო ნაბიჯებს, რათა áƒ£áƒ™áƒáƒœáƒ¢áƒ áƒáƒšáƒ მოსმენების "საკითხი მოისხნას დღის წესრიგიდან და გაგვიჩნდეს განცდა, რომ სახელმწიფო ჩვენ გვიცავს და თუ სახელმწიფო ვინმეს უსმენს, უსმენს იმიტომ, რომ დაგვიცვას ჩვენ ბოროტმოქმედისგან და არა განსხვავებული მოსაზრების მქონე ადამიანისგან“.