დეპუტატმა ქართული ოცნებიდან შალვა შავგულიძემ განაცხადა, რომ ის ტოვებს ქართული ოცნების საპარლამენტო უმრავლესობას და გადადის ფრაქცია „თავისუფალ დემოკრატებში“.

მისმა ამ გადაწყვეტილებამ საპარლამენტო უმრავლესობის შენარჩუნების საკითხი კითხვის ნიშნის ქვეშ დააყენა, ვინაიდან შალვა შავგულიძის გასვლით ამ ჯგუფში 75 დეპუტატი რჩება, რაც არ არის საკმარისი 150-წევრიან პარლამენტში უმრავლესობის ფუნქციონირებისათვის, რასაც სულ ცოტა 76 დეპუტატის ერთობა სჭირდება.

ვაკის მაჟორიტარი დეპუტატი შალვა შავგულიძე, რომელიც ბოლო დროს აქტიურად იყო ჩართული მოსმენების შესახებ კანონმდებლობის შემუშავებაში, ადრე ირაკლი ალასანიას პარტია „თავისუფალი დემოკრატების“ წევრი იყო, თუმცა ამ მოწვევის პარლამენტში ქართული ოცნების ფრაქციაში შედიოდა.  

„მე ვტოვებ ფრაქციას და პარტიას ქართულ ოცნებას და გადავდივარ ფრაქციაში და პარტიაში „თავისუფალი დემოკრატები“, - განაცხადა áƒ¨áƒáƒ•áƒ’ულიძემ 7 ნოემბერს „ქართული ოცნების“ ოფისის დატოვების შემდეგ, სადაც პრემიერ-მინისტრ ირაკლი ღარიბაშვილისა და უმრავლესობის შეხვედრა იმართებოდა.

უმრავლესობის არსებობას პრობლემები მას შემდეგ შეექმნა, რაც „თავისუფალმა დემოკრატებმა“ დატოვეს მისი რიგები მას შემდეგ, რაც მათი ლიდერი ირაკლი ალასანია გაათავისუფლეს თავდაცვის მინისტრის პოსტიდან.

შალვა შავგულიძის გადაწყვეტილება მოულოდნელი განვითარება აღმოჩნდა მას შემდეგ, რაც „თავისუფალი დემოკრატების“ ათი წევრიდან სამმა დატოვა მისი რიგები უმრავლესობაში დარჩენის სასარგებლოდ.

ამდენად, ქართულ ოცნებას ამ ეტაპზე ერთი დეპუტატი აკლდება იმისათვის, რომ უმრავლესობა შეინარჩუნოს პარლამენტში.

დეპუტატებმა ქართული ოცნებიდან განაცხადეს, რომ უმრავლესობას დაშლა არ ემუქრება, ვინაიდან მასში იმაზე მეტი დეპუტატი აპირებს გაწევრიანდეს, ვიდრე მისი რიგებიდან გადის.

უმრავლესობისა და უმცირესობის გარეთ არსებობს დამოუკიდებელი მაჟორიტარების ფრაქცია, რომელიც უმეტესწილად, თუმცა ყოველთვის არა, სახელისუფლებო წინადადებების მხარდაჭერისკენაა მიდრეკილი. ამ ფრაქციის ლიდერმა კახა ოქრიაშვილმა ადრე განაცხადა, რომ მათი დახმარება უმრავლესობას არ სჭირდებოდა, თუმცა იქვე დასძინა, რომ საჭიროების შემთხვევაში ამ საკითხს განიხილავს.

ასევე არცერთ ჯგუფს არ მიეკუთვნება 10 დამოუკიდებელი დეპუტატი, რომელთაგანაც ზოგიერთმა ნაციონალური მოძრაობა დატოვა, ზოგიერთმა კი ქართული ოცნება. ერთ–ერთი მათგანი, კობა დავითაშვილი, მხოლოდ პირობითად არის პარლამენტის წევრი და ფაქტიურად ის საერთოდ არ მონაწილეობს საპარლამენტო მუშაობაში მას შემდეგ, რაც გასულ წელს პოლიტიკიდან წასვლის შესახებ გააკეთა განცხადება.