ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
Civil Georgia, Tbilisi / 28 Apr.'18 / 11:10

ვანის და ხონის ერთმანდატიან 54-ე ერთმანდატიან საარჩევნო ოლქში დღეს შუალედური საპარლამენტო არჩევნები ტარდება.

ცენტრალური საარჩვენო კომისიის (ცესკო) ინფორმაციით, არჩევნებში ერთი საინიციატივო ჯგუფის წარმომადგენელი ვასილ კოპალიანი და ხუთი პარტიის მიერ წარდგენილი კანდიდატები მონაწილეობენ, მათ შორის, ოპოზიციური პარტია „ევროპული საქართველოდან“ გიგი უგულავა, პარტია „საქართველოდან“ გიორგი ლილუაშვილი, „ქართველ ტრადიციონალისტთა კავშირიდან“ ზურაბ ქართველიშვილი, „ახალი ქრისტიან-დემოკრატებიდან“ ნიკოლოზ ჯოგლიძე და მმართველი პარტია „ქართული ოცნებიდან“ გივი ჭიჭინაძე.

ცესკოს პრესსპიკერის ანა მიქელაძის განცხადებით, არჩევნები მაჟორიტარული ოლქის 60 საარჩევნო უბანზე იმართება, სადაც 48 123 ამომრჩეველია რეგისტრირებული.

ვანისა და ხონის მაჟორიტარულ საარჩევნო ოლქში პარლამენტის შუალედური არჩევნები მას შემდეგ დაინიშნა, რაც ამ ოლქის დეპუტატმა, ქართული ოცნების წარმომადგენელმა, გრიგოლ ლილუაშვილმა გასული წლის დეკემბერში პარლამენტი დატოვა და სახელმწიფო უსაფრთხოების სამსახურის უფროსის მოადგილის პოსტი დაიკავა.

Civil.Ge © 2001-2019