| კოკოითი სააკაშვილის ცხინვალში ვიზიტს აპროტესტებს |
| სივილ ჯორჯია, თბილისი / 4 Jan.'04 / 18:29 |
სამხრეთ ოსეთის თვითგამოცხადებული რესპუბლიკის პრეზიდენტი ედუარდ კოკოითი პრეზიდენტობის კანდიდატის მიხეილ სააკაშვილის 3 იანვარს ცხინვალში ჩასვლას უარყოფითად აფასებს.
“მისი ეს ნაბიჯი სიმბოლური იყო და ხელი არ შეგვიშლია. მომავალში კი ასე თვითნებურად ცხინვალის რეგიონში ჩამოსვლა ჩვენთან წინასწარი შეთანხმების გარეშე არ მოხდება”, - განაცხადა ჟურნალისტებთან საუბრისას ედუარდ კოკოითმა.
მიხეილ სააკაშვილი ცხინვალში ვიზიტის დროს ადგილობრივ მოსახლეობას შეხვდა. ეს ის რეგიონია, სადაც არჩევნები არ ტარდება, რადგანაც იქ საქართველოს ხელისუფლების იურისდიქცია არ ვრცელდება.