ცხინვალის რეგიონში ადგილობრივი ქართველი მოსახლე დაჭრეს
სივილ ჯორჯია, თბილისი / 22 Jun.'04 / 18:19

საქართველოს ხელისუფლება პროტესტს გამოთქვამს დღეს სამხრეთ ოსეთის  კონფლიქტის ზონაში მომხდარი ინციდენტის გამო, რომლის დროსაც ერთი ქართველი მოსახლე დაიჭრა. 

სამხრეთ ოსეთის თვითგამოცხადებულ რესპუბლიკაში დღეს მიმდინარე სამხედრო წვრთნების დროს სოფელ არგვეთში მცხოვრები თამარ ღამბაშიძე მსუბუქად დაიჭრა.

საქართველოს შინაგან საქმეთა მინისტრმა ირაკლი ოქრუაშვილმა თვითგამოცხადებული სამხრეთ ოსეთის ძალოვან უწყებებს 48 საათის ვადა მისცა, რათა დაკავებულ იქნას დამნაშავე. წინააღმდეგ შემთხვევაში, მან არ გამორიცხა სპეცოპერაციის  ჩატარება რეგიონში და მზადყოფნა გამოთქვა თავად  უხელმძღვანელოს ამ ოპერაციას.

Civil.Ge © 2001-2020