Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სააკაშვილი შინაგან საქმეთა მინისტრს ძლიერ მხარდაჭერას უცხადებს
სივილ ჯორჯია, თბილისი / 17 მარ.'06 / 11:04

პრეზიდენტმა სააკაშვილმა 16 მარტს ოპოზიციას მოწოდებებს შინაგან საქმეთა მინისტრის ვანო მერაბიშვილის გადაყენების თაობაზე "ძალიან სასაცილო“ უწოდა და განაცხადა, რომ იგი მხარს დაუჭერს მერაბიშვილს დანაშაულთან ბრძოლის გზაზე.

ოპოზიციური პარტიები და არასამთავრობო ორგანიზაციები 17 მარტს სახელმწიფო კანცელარიის წინ საპროტესტო აქციის გამართვას გეგმავენ, რათა სანდრო გირგვლიანის მკვლელობის საქმესთან დაკავშირებით მერაბიშვილის გადადგომა მოითხოვონ. ოპოზიცია მერაბიშვილს შსს-ს რამდენიმე მაღალჩინოსნის და ყოფილი მაღალჩინოსნის მფარველობაში ადანაშაულებს, რომლებიც სავარაუდოდ მკვლელობის საქმესთან არიან კავშირში.

პრეზიდენტმა სააკაშვილმა 16 მარტს გვიან გამართულ პრეს-კონფერენციაზე განაცხადა, რომ გირგვლიანის მკვლელობა და "ნებისმიერ ასეთი საქმე ჩემი პირადი ტრაგედიაა“.

"რა თქმა უნდა, როცა შინაგან საქმეთა სამინისტროს ოფიციალური პირები აღმოჩნდნენ ჩარეული, საქმე ორმაგად მძიმდება. მაგრამ უნდა აღვნიშნოთ, რომ ასეთი ფაქტი შეიძლება მომხდარიყო ინგლისში, საფრანგეთში და ძალიან ხშირად [ამგვარი ფაქტები] ამერიკაშიც ხდება. საქართველომ ისევე უპასუხა ამ დანაშაულს, როგორც უპასუხებდნენ ამ ქვეყნებში... ვინც დასაჭერი იყო დაჭერილია. თუ კიდევ ვინმე იქნება, იმათაც ვაგებინებთ პასუხს. რაც გამოსაძიებელია, გამოძიებული იქნება ბოლომდე“, - განაცხადა სააკაშვილმა.

"ქვეყანაში ხელშეუხებელი არავინ არის და ყველა დამნაშავე დაისჯება“,  -დასძინა მან.

ამის შემდეგ სააკაშვილმა ბევრი ისაუბრა შინაგან საქმეთა სამინისტროს წარმატებაზე დანაშაულის წინააღმდეგ ბრძოლაში და დასძინა, რომ მერაბიშვილის მთავარი როლი აკისრია სამართალდამცავ სტრუქტურებში მიმდინარე რეფორმებში.

"საქართველოს აქამდე არასოდეს ჰყოლია ასეთი ეფექტური პოლიცია... როდისმე წარმოიდგენდით, რომ პატრულს ასეთი მაღალი რეპუტაცია ექნებოდა?.. როგორ ფიქრობთ, ეს ყველაფერი ციდან ჩამოვარდა? ყველაფერი ეს მერაბიშვილმა და ყველა ჩვენთაგანმა გააკეთა. ამიტომ ჩვენ პოლიციას ბოლომდე დავიცავთ“, - განაცხადა პრეზიდენტმა.  

"შინაგან საქმეთა მინისტრის გადაყენება? აბა ამ კაბინეტში ჯონდი ბაღათურიას, შალიკო ნათელაშვილს და გიორგაძეს თავისი გოგიტიძით ხომ არ მოვიყვანთ“, - განაცხადა სააკაშვილმა ირონიულად.

მან დაადასტურა მმართველი პარტიის გავლენიანი დეპუტატების პოზიცია, რომლებიც აცხადებდნენ, რომ შსს ოპონენტების სამიზნე იმიტომ გახდა, რომ მათ უნდათ ხელი შეუშალონ პოლიციის ბრძოლას ორგანიზებული დანაშაულის წინააღმდეგ.

"სხვადასხვა საბაბით ერთი და იგივე ხალხი გამოდის [მერაბიშვილის გადაყენების მოთხოვნით]... ერთი რამ კარგად ვიცი. რეალური მიზეზი ძალიან კარგად ვიცი. ჩვენ შევეხეთ ოლიგარქიულ და სერიოზულ მაფიოზურ ინტერესებს. საქართველო იყო "კანონიერი ქურდების“ ქვეყანა. საქართველოს მართავდა რამდენიმე "კანონიერი ქურდი“. ის ხალხი ვინც ხმამაღლა ყვირის, არის ის ხალხი, ვისაც არ აწყობს, რომ კანონიერი ქურდების ქონების კონფისკაცია დაიწყოს“, - განაცხადა სააკაშვილმა.

მან კიდევ ერთხელ გაუსვა ხაზი მთავრობის გეგმებს იმ კანონის წარდგენის თაობაზე, რომლის მიხედვითაც ნულოვანი ტოლერანტულობა იქნება წვრილმან დანაშაულზეც კი.

"მერაბიშვილი არის მართლა ძალიან მაგარი, მე ვაპირებ ხელი შევუწყო მას დანაშაულის წინააღმდეგ დაწყებული ბრძოლის დასრულებაში“, - განაცხადა სააკაშვილმა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
15