Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პარლამენტმა საბაჟო განაკვეთების ლიბერალიზაციის განხილვა გადადო
სივილ ჯორჯია, თბილისი / 10 ივნ.'06 / 13:48

9 ივნისს პარლამენტში აზრთა სხვადასხვაობა გამოიწვია ეკონომიკის სამინისტროს მიერ წარდგენილმა საბაჟო გადასახადის შესახებ კანონპროექტმა, რომლითაც 16–ის ნაცვლად 3 სახის საბაჟო გადასახადი დარჩება – 0%, 5% და 12%–იანი განაკვეთებით. კანონპროექტის მეორე მოსმენით განხილვას პარლამენტი ორი კვირის შემდეგ დაუბრუნდება.

კანონპროექტის მიხედვით, ნულოვანი გადასახადით დაიბეგრება იმპორტირებული მანქანა–დანადგარები და ასევე გაუქმდება ე.წ სეზონური განაკვეთები, რომელიც, ძირითადად, სოფლის მეურნეობის იმ პროდუქციაზე მოქმედებს, რომელიც საქართველოში სეზონურად ჭარბად იწარმოება.

პარლამენტის თავმჯდომარე ნინო ბურჯანაძე და ვიცე–სპიკერი ჯემალ ინაიშვილი, რომელიც ამავდროულად საქართველოს სავაჭრო–სამრეწველო პალატის თავმჯდომარეცაა, კატეგორიულად ეწინააღმდეგებიან სოფლის მეურნეობის პროდუქტების 0%–იანი საბაჟო გადასახადით დაბეგვრას, რადგან მათი მტკიცებით, ეს ქვეყანაში აგრარულ სექტორს და ადგილობრივ წარმოებას დააზარალებს.

ამის მიუხედავად მთავრობაში განიხილება ყველა იმპორტირებულ პროდუქციაზე ნულოვანი განაკვეთის დაწესების წინადადებაც, თუმცა ნაკლებ სავარაუდოა, რომ დეპუტატები ამ შეთავაზებას დათანხმდნენ.  აქედან გამომდინარე, განიხილება კიდევ ერთი ალტერნატიული წინადადებაც მხოლოდ 0% და 12%–იანი განაკვეთების დაწესების შესახებ.

ნულოვან დაბეგვრას იმავე არგუმენტებით ეწინააღმდეგებიან ასევე ოპოზიციური ფრაქცია მრეწველების წარმომადგენლებიც, ფრაქცია დემოკრატიული ფრონტი კი აცხადებს, რომ მთავრობა იმპორტიორების ინტერესებს უფრო მაღლა აყენებს.

"ამ ინტერესების უკან დგანან კონკრეტული ადამიანები – გივი თარგამაძე [თავდაცვისა და უშიშროების საპარლამენტო კომიტეტის თავმჯდომარე], დავით კეზერაშვილი [ფინანსური პოლიციის უფროსი], ვანო მერაბიშვილი [შს მინისტრი]“, – აცხადებენ დემოკრატიული ფრონტის წარმომადგენლები.

"ჩვენს აგრარულ სექტორს, ჩვენს ფერმერებს ვაყენებთ არაკონკურენტუნარიან პირობებში... ჩვენი წარმოება როგორც აგრარული, ასევე სამრეწველო და გადამამუშავებელი კიდევ უფრო დაიძირება და გაჩერდება“, – განაცხადა ფრაქცია მრეწველების ლიდერმა ზურაბ ტყემელაძემ 9 ივნისს გამართულ ბრიფინგზე.

დღესდღეობით, ქვეყანაში 16 საბაჟო განაკვეთი მოქმედებს მინიმალური 6%–იდან 25–30%–მდე. მაქსიმალური განაკვეთით პრიორიტეტული ბრენდები – ღვინო და მინერალური წყლები იბეგრება, თუმცა ახალი ტარიფების მიღების შემთხვევაში, 2007 წლის იანვრიდან ეს განაკვეთები შესაძლოა მინიმუმ 12% და მაქსიმუმ 0%–მდე შემცირდეს.

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2018, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
54