Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ოფიციალური პირები ურჩევენ კოდორის მოსახლეობას განერიდონ "ბანდიტებს"
/ 26 ივლ.'06 / 13:12
სივილ ჯორჯია

აფხაზეთის რუქა (გაერო).
ფართო ფორმატით სანახავად დააკლიკეთ სურათზე.
ოფიციალური თბილისი აცხადებს, რომ პოლიციის ოპერაცია კოდორის ხეობაში მანამდე გაგრძელდება, სანამ ეს საჭირო იქნება "იმ პირების სრულ განადგურებამდე, რომლებიც ქვეყნის ერთიანობას ძალისმიერი გზით ეწინააღმდეგებიან“.

"მოვუწოდებ მშვიდობიან მოსახლეობას განერიდონ ბანდიტებს და მათი კონცენტრაციის ადგილებს, რადგან ბანდიტთა ფეხქვეშ მიწა დაიწვება“, - განაცხადა საქართველოს პრეზიდენტის ადმინისტრაციის ხელმძღვანელმა გიორგი არველაძემ დღეს გამართულ საგანგებო ბრიფინგზე.

არველაძემ დაადასტურა ინფორმაცია შინაგან საქმეთა სამინისტროს რამდენიმე თანამშრომლის დაჭრის თაობაზე, მას შემდეგ რაც ემზარ კვიციანის შეიარაღებულმა ჯგუფმა მათ 25 ივლისს ცეცხლი გაუხსნა, თუმცა დაჭრილთა რაოდენობა არ დაუკონკრეტებია.

მანამდე, 26 ივლისს დილით ქართულმა მედიამ გაავრცელა ინფორმაცია, რომ პოლიციის ოთხი ოფიცერი კოდორის ხეობიდან ზუგდიდის საავადმყოფოში გადაიყვანეს.

არველაძემ ასევე გამორიცხა მოლაპარაკებების შესაძლებლობა აჯანყებულებთან.

"ერთადერთი, რაც მათ შევთავაზეთ, იარაღის ჩაბარებაა, თუმცა ისინი უარს აცხადებენ“, - დასძინა მან.  

მისი თქმით, ხელისუფლების "მთავარი მიზანია“ ადგილობრივი მშვიდობიანი მოსახლეობის ინტერესების დაცვა და "მათი დახმარება ამ უმძიმეს სიტუაციაში“.

არველაძის კომენტარი აღმასრულებელი ხელისუფლების ერთადერთი ოფიციალური განცხადება იყო კოდორის ხეობაში განვითარებული მოვლენების შესახებ. პირველი ოფიციალური განცხადება კოდორის ხეობაში "საპოლიციო ოპერაციის“ დაწყების თაობაზე განათლების მინისტრმა კახა ლომაიამ 25 ივლისს გააკეთა.

ინფორმაცია კოდორიდან საკმაოდ მწირი და ურთიერთსაწინააღმდეგოა. ხეობასთან სატელეფონო კავშირი შეწყვეტილია, ხოლო ჟურნალისტებს უსაფრთხოების საბაბით ხეობაში არ უშვებენ.

ამავდროულად, აფხაზური წყაროები 26 ივლისს იტყობინებიან, რომ ამჟამად კოდორის ხეობაში სიმშვიდეა.

"ამჟამად, ქართული პოლიციის ძალები სოფლებში აჟარასა და გენცვიშში ადგილობრივი მოსახლეობის პასტპორტებს ამოწმებენ“, - განუცხადა აფხაზეთის შეიარაღებული ძალების გენერალურ შტაბის უფროსმა ანატოლი ზაიცევმა 26 ივლისს "ინტერფაქსს“.

მისი თქმით, ემზარ კვიციანის შეიარაღებული ჯგუფის წევრებმა შეწყვიტეს წინააღმდეგობა და ტყეში გაიფანტნენ.

ტელეკომპანია "რუსთავი 2“-ის ცნობით, საქართველოს პოლიციის ძალები კოდორის ხეობის სოფლებში კარდაკარ დადიან და სახლებს ჩხრეკენ. ჯერჯერობით, ეს ინფორმაცია ოფიციალურად არ დასტურდება.

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
19