RSS
Mobile
Twitter
Facebook
10 ოქტომბერს საგარეო საქმეთა მინისტრმა გელა ბეჟუაშვილმა და სამხრეთ კავკასიის ქვეყნებში ევროკავშირის სპეციალურმა წარმომადგენელმა პიტერ სემნებიმ სატელეფონო საუბარში საქართველოსა და რუსეთს შორის ბოლო დროს დაძაბული ურთიერთობები განიხილეს.
"ევროკავშირის სპეციალურმა წარმომადგენელმა გამოხატა წუხილი რუსეთის ფედერაციის მიერ საქართველოს წინააღმდეგ გადადგმული ნაბიჯების გამო“, – იტყობინება საგარეო საქმეთა სამინისტრო.
ამავე ცნობით, უახლოეს მომავალში ევროკავშირის ტროიკა (ევროკავშირის მოქმედი თავმჯდომარე ქვეყანა – ფინეთის რესპუბლიკა, მომავალი თავმჯდომარე ქვეყანა – გერმანიის ფედერაციული რესპუბლიკა და ევროკომისიის წარმომადგენელი) აპირებს დემარშის გაკეთებას რუსეთის მიერ საქართველოს წინააღმდეგ დაწესებული ეკონომიკური ბლოკადის, ასევე რუსეთში ეთნიკური ნიშნით ქართველების დევნისა და ადამიანის უფლებათა სხვადახვა დარღვევების გამო.
მხარეებმა ასევე განიხილეს არსებულ ვითარებაში ევროკავშირის შესაძლო ნაბიჯები საქართველოსათვის ეკონომიკური დახმარების მიზნით.
სატელეფონი საუბარი ასევე შეეხო ევროკავშირის როლის გაზრდის შესაძლებლობას საქართველოს ტერიტორიაზე არსებული კონფლიქტების მოწესრიგების საქმეში.
