Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
თბილისი შეშფოთებულია, რომ რუსეთში ანტიქართულ კამპანიას ადამიანი ემსხვერპლა
სივილ ჯორჯია, თბილისი / 18 ოქტ.'06 / 11:41

საქართველოს საგარეო საქმეთა სამინისტრო გამოხატავს ღრმა მწუხარებას 17 სექტემბერს რუსეთიდან დეპორტაციის პროცესში თენგიზ ტოგონიძის გარდაცვალების გამო და მკაცრად გმობს რუსეთის ხელისუფლების მიერ ელემენტარული ჰუმანიტარული ნორმების უგულებელყოფას.

საგარეო საქმეთა სამინისტრო აცხადებს, რომ 48 წლის აწ გარდაცვლილი თენგიზ ტოგონიძე 3 ოქტომბრიდან, როცა ის სანკტ–პეტერბურგში დააკავეს,  მოკლებული იყო სამედიცინო დახმარებასა და სუფთა ჰაერზე ყოფნის საშუალებას. ასთმით დაავადებული ტოგონიძის სხვა ქართველ დეპორტირებულებთან ერთად მოსკოვში გადაყვანის დროს მგზავრობის ელემენტარული პირობები არ იყო დაცული.

"ტოგონიძე თავს შეუძლოდ გრძნობდა, თუმცა მისთვის რუს ძალოვნებს ყურადღება არ მიუქცევიათ. მოსკოვის საერთაშორისო აეროპორტ დომოდედოვოში მისვლისთანავე მისი მდგომარეობა საგრძნობლად გაუარესდა. სამწუხაროდ, მისი გადარჩენა ვერ მოხერხდა“, – აცხადებს საგარეო უწყება და დასძენს, რომ ეს ტრაგიკული ფაქტი "კიდევ ერთხელ ააშკარავებს იმ მდგომარეობას, რომელშიც იმყოფებიან საქართველოს  მოქალაქეები და ეთნიკური ქართველები რუსეთში".

ამასთან, საგარეო საქმეთა სამინისტრო დეპორტირების ყოველი შემთხვევის შესწავლის საფუძველზე აცხადებს, რომ "გამოძევებული" მოქალაქეების მნიშვნელოვან ნაწილს სავიზო და სხვა სახის დოკუმენტები წესრიგში აქვთ.

"ანუ კანონმორჩილი პირები აჰყავთ სახლებიდან და გადაჰყავთ იზოლატორებში, სადაც, უმეტეს შემთხვევაში, ამყოფებენ გაუსაძლის, არაადამიანურ პირობებში. ადამიანები არათუ მოკლებულნი არიან სამედიცინო დახმარებას, არამედ ელემენტარული მოთხოვნების დაკმაყოფილების საშუალებასა და ადამიანისათვის შესაფერის მოპყრობას. ზემოაღნიშნული წარმოადგენს ადამიანის ფუძემდებლური უფლებებისა და თავისუფლებების, ყველა მოქმედი საერთაშორისო წესისა და პროცედურის უხეშ დარღვევას“, – აცხადებს ოფიციალური თბილისი.

საგარეო საქმეთა სამინისტრო კატეგორიულად მოითხოვს რუსეთის მხარისაგან აღკვეთოს ანტიქართული ისტერია და ღირსეულად მოეპყროს საქართველოს მოქალაქეებს და ეთნიკურ ქართველებს.

ამასთან, საქართველოს ხელისუფლება კიდევ ერთხელ მოუწოდებს მსოფლიო დემოკრატიულ თანამეგობრობასა და საერთაშორისო ორგანიზაციებს სათანადო შეფასება მისცენ რუსეთის ხელისუფლების "არაჰუმანურ და ქსენოფობიურ“ ქმედებებს.

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
15