Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
თბილისი მოუწოდებს მოსკოვს შეწყვიტოს ქართველთა ეთნიკური ნიშნით დევნა
სივილ ჯორჯია, თბილისი / 25 ოქტ.'06 / 10:52

საქართველოს საგარეო საქმეთა სამინისტროს განცხადებით, მიუხედავად იმისა, რომ რუსეთში ქართველების წინააღმდეგ გაჩაღებული ქსენოფობიური კამპანია მსოფლიო დემოკრატიულმა საზოგადოებამ დაგმო, რუსეთის ხელისუფლება აგრძელებს ქართველების დევნას.

თბილისი მოსკოვისგან კიდევ ერთხელ კატეგორიულად მოითხოვს შეწყდეს ეთნიკური ნიშნით მოქალაქეების დევნა და არსებული პოლიტიკური პრობლემები მოგვარდეს მოლაპარაკებებისა და კონსტრუქციული დიალოგის გზით.

ქართული მხარის განცხადებით, რუსეთის საიმიგრაციო სამსახური და შინაგან საქმეთა სამინისტროს ქვედანაყოფები რუსეთში მყოფ საქართველოს მოქალაქეთა და ეთნიკურ ქართველთა "გამოსავლენად” სხვადასხვა ხერხებს იყენებენ: მასობრივად მიმდინარეობს ქუჩაში ეთნიკური ქართველების გაჩერება;  სკოლებსა და უმაღლეს სასწავლებლებში იგზავნება მიმართვები ქართული გვარების მოსწავლეებისა და სტუდენტების სიების წარმოდგენის მოთხოვნით; ძალოვანი სტრუქტურების სპეციალური ოპერატიული ჯგუფები შედიან ყველა იმ კომერციულ დაწესებულებაში, რომელთა მფლობელებიც შესაძლებელია ქართველები იყვნენ; დაფიქსირდა შემთხვევები, როცა ქართველების საცხოვრებელ ბინებში მიდიოდნენ უბნის ინსპექტორები/რწმუნებულები, ართმევდნენ პასპორტებს და მიჰქონდათ სასამართლოში, სადაც აღნიშნულ პირთა დაუსწრებლად სასამართლო იღებდა გადაწყვეტილებას მათი დეპორტაციის შესახებ.

"აღმაშფოთებელია ასევე, რომ დაკავებულ საქართველოს მოქალაქეებს შსს-ს განყოფილებებსა და გამანაწილებლებში ამყოფებენ გაუსაძლის, არაადამიანურ პირობებში. ადამიანები არათუ მოკლებულნი არიან სამედიცინო დახმარებას, არამედ ელემენტარული მოთხოვნების დაკმაყოფილების საშუალებას, რამაც უკვე გამოიწვია მსხვერპლი“, – აცხადებს 24 ოქტომბერს საგარეო საქმეთა სამინისტრო.

ამგვარი ფაქტების შესახებ საქართველომ ინფორმაცია უკვე მიაწოდა შესაბამის საერთაშორისო ორგანიზაციებს, მათ შორის გაერო-ს ადამიანის უფლებათა უმაღლესი კომისრის ოფისს.

"საქართველოს მოქალაქეთა დევნისას რუსეთის ფედერაციის ხელისუფლების წარმომადგენლები არ იცავენ არა თუ ადამიანის საერთაშორისოდ აღიარებულ უფლებებსა და თავისუფლებებს, არამედ არღვევენ რუსეთის კანონმდებლობის მოთხოვნებსაც“, რაც საგარეო უწყების განცხადებით, "რატომღაც არ მოქმედებს საქართველოს მოქალაქეთა მიმართ, რომლებიც იდევნებიან მხოლოდ ეთნიკური ნიშნის მიხედვით“.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
40