Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ბურჯანაძის ”გუნდმა” გახმაურებული მკვლელობების საგამოძიებო კომისიის შექმნას მხარი დაუჭირა
სივილ ჯორჯია, თბილისი / 19 თებ.'07 / 12:31

პარლამენტში სანდრო გირგვლიანისა და ამირან რობაქიძის მკვლელობების გახმაურებული საქმეების შემსწავლელი საგამოძიებო კომისიის შექმნას მხოლოდ პარლამენტის თავმჯდომარის მომხრე დეპუტატებმა დაუჭირეს მხარი უმრავლესობიდან, თავად ნინო ბურჯანაძემ კი, ოპოზიციის განცხადებით, კენჭისყრას შეგნებულად აარიდა თავი, წერს გაზეთი ”რეზონანსი” 19 თებერვალს.

საგამოძიებო კომისიის შექმნის თაობაზე ოპოზიციის ინიციატივა პარლამენტში 16 თებერვალს გამართული კენჭისყრის დროს ჩავარდა, როცა ნინო ბურჯანაძე ოფიციალური ვიზიტით კანადას სტუმრობდა.

კომისიის შექმნას მხარი დაუჭირეს დეპუტატებმა უმრავლესობიდან ლადო პაპავამ, ზვიად დოლიძემ, კოტე ბერიძემ, დავით ბაზღაძემ, ზურაბ დავითაშვილმა, როინ ჯანაშიამ, რომლებიც ”რეზონანსის” განცხადებით, ბურჯანაძის გუნდში მოიაზრებიან. კომისიის შექმნას ასევე მიემხრო დამოუკიდებელი დეპუტატი ჯუმბერ პატიაშვილი.

”ბურჯანაძე ასეთი მნიშვნელოვანი საკითხის განხილვის წინ საზღვარგარეთ გაფრინდა. სპიკერი ყველა ასეთი პრინციპული საკითხის განხილვას თავს არიდებს”, - აცხადებს კომისიის შექმნის ერთ-ერთი ინიციატორი ოპოზიციური დემოკრატიული ფრონტიდან კახა კუკავა ”რეზონანსთან” ინტერვიუში.

თუმცა 13 თებერვალს მას შემდეგ, რაც პარლამენტმა ოპოზიციის თხოვნით პატივი მიაგო სანდრო გირგვლიანის ხსოვნას, ნინო ბურჯანაძემ განაცხადა, რომ საბოლოოდ სიმართლე უნდა დადგინდეს ამ ”ტრაგედიასთან” დაკავშირებით და ”დასრულდეს სასამართლო პროცესი ისე, როგორც ამას საზოგადოება ელოდება”.

”ამ განცხადების შემდეგ ბევრს გაუჩნდა ეჭვი, რომ რომ სპიკერი გულის სიღრმეში პოლიციელი მაღალჩინოსნების მიერ მოკლული გირგვლიანის ოჯახს გულშემატკივრობს, თუმცა პრეზიდენტის გუნდის წევრია და ”ნაციონალი” ლიდერების გადაწყვეტილებას არ ეწინააღმდეგება”, - წერს ”რეზონანსი”.

მმართველი პარტიის ლიდერებმა საგამოძიებო კომისიის შექმნის საწინააღმდეგოდ  ის მოტივი დაასახელეს, რომ მათი საკითხისადმი მხარდაჭერა სამართალდამცავი სტრუქტურებისადმი უნდობლობის გამოცხადების ტოლფასი იქნებოდა.

”საგამოძიებო კომისია ყველაზე მცირე შს მინისტრს [ვანო მერაბიშვილს] და გენერალურ პროკურორს [ზურაბ ადეიშვილს] შეცვლიდა... საქმის გამოძიების დროს ორივეს დანაშაულებრივი მოქმედება იკვეთება. გენპროკურორის მოქმედება მხოლოდ იმ ნაწილში, რომელიც საქმის არაჯეროვან გამოძიებას ეხება. შს სამინისტროს პასუხისმგებლობა კი როგორც დანაშაულის გამოძიების, ისე დანაშაულის ჩადენის საკითხში დგას”, - აცხადებს კახა კუკავა.

გირგვლიანის და რობაქიძის ნათესავები, ადამიანის უფლებათა დამცველები და სახალხო დამცველი აცხადებენ, რომ გამოძიებამ დამალა შინაგან საქმეთა სამინისტროს მაღალჩინოსნების მონაწილეობა მკვლელობის ორივე საქმეში.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
13