Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
’დრო იწურება’ - მიმართავს სააკაშვილი სეპარატისტულ ცხინვალს სუამის სამიტზე
/ 19 ივნ.'07 / 17:44
სივილ ჯორჯია

სამხრეთ ოსეთის სეპარატისტი ლიდერის ედუარდ კოკოითის ”დრო იწურება”, განაცხადა პრეზიდენტმა სააკაშვილმა ბაქოში 19 ივნისს გამართული სუამის ლიდერთა სამიტის შემდეგ.

პრესკონფერენციაზე საუბრისას პრეზიდენტმა სააკაშვილმა განაცხადა, რომ უახლოეს თვეებში თბილისი დაიწყებს მოლაპარაკებებს სამხრეთ ოსეთის დროებითი ადმინისტრაციის ხელმძღვანელთან დიმიტრი სანაკოევთან საქართველოს შემადგენლობაში რეგიონის ავტონომიური სტატუსის განსაზღვრის მიზნით.

”ჩვენ დავიწყებთ მოლაპარაკებებს დიმიტრი სანაკოევთან ავტონომიის თაობაზე. ოსებს საქართველოში ყველაფერს მივცემთ, რაზეც კი მათ ოდესმე უოცნებიათ,” - განაცხადა სააკაშვილმა.

”ეს არის უახლოესი რამდენიმე თვის საკითხი. საქართველოს ყველა რესურსი გააჩნია იმისათვის, რომ ეს საკითხი მშვიდობიანად, მაგრამ დროულად და ჩქარა მოაგვაროს,” - დასძინა მან.

საქართველოს პრეზიდენტმა განაცხადა, რომ თბილისი ამ პროცესის მუდმივად გადადებას არ აპირებს, რადგან ”მოთმინება იწურება”.

მისი თქმით, ქართველ და ოს ხალხს შორის ურთიერთობებში პრობლემა არ არსებობს, თუმცა პრობლემა ჯერ ისევ არსებობს ცხინვალის დე ფაქტო ხელისუფლებასთან მიმართებაში, რომელსაც, პრეზიდენტის თქმით, კრიმინალური წარსული აქვს.

სამიტზე განსახილველ საკითხებს შორის ერთ-ერთი მთავარი ადგილი ეკავა სეპარატისტულ კონფლიქტებს, რომელიც სუამის სამი ქვეყნის - აზერბაიჯანის, საქართველოს და მოლდოვას მთავარი გამოწვევაა.  

აზერბაიჯანის პრეზიდენტმა ილჰამ ალიევმა 19 ივნისს განაცხადა, რომ მიუხედავად იმისა, რომ სუამს არ აქვს კონფლიქტების მოგვარების ფორმალური მექანიზმები, ორგანიზაციის მზარდმა საერთაშორისო მნიშვნელობამ არსებითი როლი უნდა შეასრულოს ამ კუთხით.

”სუამის როლი ამ კუთხით განისაზღვრება მისი მზარდი პოლიტიკური მნიშვნელობით და ჩვენი ქვეყნების ეკონომიკის ზრდით,” - განაცხადა ალიევმა. 

”სუამს... რომელიც სულ უფრო მეტ პოლიტიკურ მნიშვნელობას იძენს, მკაფიო პოზიცია აქვს ამ კუთხით: ჩვენი ქვეყნების ტერიტორიული მთლიანობის აღდგენა და სეპარატიზმის განადგურება,” - დასძინა მან.

მოლდოვას პრემიერ-მინისტრმა ვასილ ტარლევმა განაცხადა, რომ სეპარატისტული კონფლიქტები ”გარედან მხარდაჭერილი ხელოვნული პრობლემებია”.

სუამის ლიდერების (მოლდოვას პრემიერ-მინისტრი წარმოადგენდა) მიერ ხელმოწერილი ერთობლივი კომუნიკე კიდევ ერთხელ ადასტურებს წევრი სახელმწიფოების ერთიან მიდგომას ტერიტორიული მთლიანობის პრინციპის საფუძველზე კონფლიქტის მოგვარებისადმი.

საქართველოს პრეზიდენტის პრესსამსახური იტყობინება, რომ თავის აზერბაიჯანელ კოლეგასთან შეხვედრაზე სააკაშვილმა სუამის ერთობლივი სამშვიდობო კონტინგენტის შექმნასთან დაკავშირებული საკითხები განიხილა. 

”ასევე, სამომავლოდ განიხილება კონფლიქტის ზონებში სუამის ფორმატით სამშვიდობო კონტიგენტის ჩანაცვლება,” - განაცხადა პრეზიდენტის პრესსამსახურმა 18 ივნისს.

უკრაინის პრეზიდენტმა ვიქტორ იუშჩენკომ აღნიშნა, რომ სუამის სამშვიდობო კონტინგენტი გაეროს ან ეუთოს ეგიდით უნდა ჩამოყალიბდეს.

სუამის წევრმა სახელმწიფოებმა ერთობლივი სამშვიდობო კონტინგენტის შექმნაზე აქტიური განხილვა გასულ წელს დაიწყეს, თუმცა დღემდე ოფიციალური გადაწყვეტილება მიღებული არ არის.

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2020, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
22