დღეს ბაქოში ბაქო-თბილისი-ყარსის სარკინიგზო პროექტზე მომუშავე საკოორდინაციო საბჭოს სხდომა იმართება, სადაც ქართულ მხარეს ეკონომიკური განვითარების მინისტრის მოადგილე დავით ნატროშვილი და  შპს ” საქართველოს რკინიგზის” ხელმძღვანელი  ირაკლი ეზუგბაია წარმოადგენენ.
 
ორდღიან შეხვედრაზე შეჯერდება სატენდერო პირობები საქართველოს ტერიტორიაზე რკინიგზის 192 კმ-იანი მონაკვეთის სარეაბილიტაციო პროექტის შედგენის მიზნით.

საქართველოს ტერიტორიაზე რკინიგზის 221 კმ–იანი მონაკვეთი საჭიროებს მშენებლობა–რეაბილიტაციას, აქედან 29 კმ–ზე ახალქალაქიდან თურქეთის საზღვრამდე ახალი რკინიგზა უნდა დაიგოს, ხოლო 192 კმ–იან მონაკვეთი სარემონტო სამუშაოების ჩატარებას ითხოვს. 

სარკინიგზო შეთანხმებას ქართულმა, თურქულმა და აზერბაიჯანულმა მხარეებმა თბილისში 7 თებერვალს მოაწერეს ხელი. საქართველოსა და აზერბაიჯანს შორის ასევე გაფორმდა სასესხო შეთანხმება რეგიონული რკინიგზის მშენებლობა-რეაბილიტაციის მიზნით საქართველოსთვის 200 მლნ აშშ დოლარის ოდენობით 25 წლიანი სესხის გამოყოფის თაობაზე. სესხის დაფარვას საქართველო რკინიგზის ამოქმედებიდან მიღებული შემოსავლებით გეგმავს.

ბაქო-თბილისი-ყარსის პროექტის მიზანია ევროპისა და აზიის სარკინიგზო დერეფნების შეერთების უზრუნველყოფა.