Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მმართველმა პარტიამ პარლამენტის თავმჯდომარის პრეტენზიებს იგნორირებით უპასუხა
/ 5 სექ.'07 / 21:12
სივილ ჯორჯია

საპარლამენტო უმრავლესობის წარმომადგენლებმა 5 სექტემბერს პრეზიდენტთან გამართული შეხვედრის შემდეგ განაცხადეს, რომ მათ არ უმსჯელიათ პარლამენტის თავმჯდომარის ნინო ბურჯანაძის პრეტენზიებზე აღმასრულებელი ხელისუფლების მიმართ, რითაც კიდევ უფრო დააკნინეს სპიკერის განცხადებების მნიშვნელობა.

პრეზიდენტმა სააკაშვილმა, რომელმაც სატელევიზიო მიმართვა გააკეთა შეხვედრის შემდეგ, ასევე ყურადღების მიღმა დატოვა ეს საკითხი და მხოლოდ გადახალისებული მთავრობის ახალ პროგრამაზე ისაუბრა.

პრეზიდენტმა სააკაშვილმა მმართველ უმრავლესობასთან შეხვედრა 5 სექტემბერს საღამოს მას შემდეგ გამართა, რაც წინა დღეს ნინო ბურჯანაძემ პრეტენზიები გამოთქვა იმის გამო, რომ იგნორირება გაუკეთეს სამთავრობო ცვლილებებთან დაკავშირებული კონსულტაციების დროს. მან ასევე გააკრიტიკა ყოფილი ფინანსთა მინისტრის ლექსო ალექსიშვილის მასთან შეუთანხმებელი დასახელება ეროვნული ბანკის პრეზიდენტობის კანდიდატად.

”ეს საკითხი საერთოდ არ ყოფილა განხილული,”- განაცხადა ”ნაციონალური მოძრაობის” გავლენიანმა დეპუტატმა გიგა ბოკერიამ შეხვედრის დასრულების შემდეგ. ”ჩვენ გაცილებით მნიშვნელოვან საკითხებზე ვიმსჯელეთ, მათ შორის საგარეო პოლიტიკური მიმართულების... ასევე განვიხილეთ წინასაარჩევნო კამპანიის საკითხები”.

ბოკერიამ ასევე განაცხადა, რომ ბურჯანაძის განცხადებებს ”გადაჭარბებული აჟიოტაჟი” მოჰყვა. იმავდროულად, მან  კატეგორიულად გამორიცხა რაიმე ტიპის განხეთქილება უმრავლესობის შიგნით.

”რაც შეეხება ლექსო ალექსიშვილს, მას განსხვავებული პოზიცია აქვს, ისევე როგორც მე. მაგრამ სიტუაციის დრამატიზება საჭირო არ არის,”- განაცხადა ბოკერიამ.

მისი თქმით, პარლამენტის თავმჯდომარე მხარს უჭერს მთავრობის ახალ შემადგენლობას და ”თქვენ დაინახავთ ამ მხარდაჭერას ორ დღეში, როცა პარლამენტი განიხილავს მთავრობისათვის ნდობის გამოცხადების საკითხს”.

ბოკერიამ განაცხადა, რომ ალექსიშვილი უკვე წარდგენილია ეროვნული ბანკის საბჭოს წევრობის კანდიდატად და გაგრძელდება კონსულტაციები საბოლოო გადაწყვეტილების მიღებამდე. ეროვნული ბანკის პრეზიდენტობამდე კანდიდატი ჯერ საბჭოს წევრად უნდა დაამტკიცოს პარლამენტმა.

ბოკერიას კომენტარებმა კიდევ ერთხელ დაადასტურა, რომ მმართველი პარტიის ერთი ნაწილი მტკიცედ უჭერს მხარს ალექსიშვილის წარდგენას, მიუხედევად ნინო ბურჯანაძის წინააღმდეგობისა, რომელიც შეეცადა ეროვნულ ბანკში საკუთარი კანდიდატურის - პარლამენტის საფინანსო-საბიუჯეტო კომიტეტის თავმჯდომარის ირაკლი კოვზანაძის გაყვანას. ლექსო ალექსიშვილი პრემიერ-მინისტრ ზურაბ ნოღაიდელის პროტეჟეა.

იმავდროულად, სააკაშვილმა სატელევიზიო მიმართვისას განაცხადა, რომ მთავრობის გადახალისებული შემადგენლობა ”დიდი ენთუზიაზმით” მიიღებს მმართველი უმრავლესობის მხარდაჭერას პარლამენტში. პრეზიდენტს ამ გამოსვლის დროს გვერდით პრემიერი ნოღაიდელი ედგა.

”ჩვენი მთავრობის სიძლიერე არის ერთიანობაში... ეს იმას ნიშნავს, რომ უახლოესი მეგობარიც კი ვერ დარჩება მინისტრად თუ რაღაც პრობლემა შექმნა, თუ რომელიმე ამოცანა ვერ შეასრულა,” - განაცხადა სააკაშვილმა.

”ყველა პროფესიონალი, იმის მიუხედავად როდის შემოუერთდა ამ გუნდს და რას აკეთებდა წარსულში, თუკი ის საქმის გამკეთებელია, ბოლომდე უნდა დააფასო და ხელი უნდა შეუწყო,”- დასძინა მან.

პრეზიდენტი მიესალმა ახალი მთავრობის პროგრამას, როგორც შედეგზე ორიენტირებულ გეგმას საქართველოს გაძლიერების, ეფექტური მართლმსაჯულების, თავდაცვისუნარიანობის ამაღლების, სამართალდამცავი სისტემის გაძლიერების, ენერგოუსაფრთხოების, თანაბარი შესაძლებლობის შექმნის, ხარისხიანი განათლებისა და ჯანდაცვის ხელმისაწვდომობისაკენ მიმართულს.

”საბოლოო ჯამში ჩვენი მთავრობის მიზანია 13-15%-ით ეკონომიკური ზრდა,”- განაცხადა სააკაშვილმა.

მისი თქმით, საქართველოს სწრაფად განვითარებადმა ეკონომიკამ შექმნა ქვეყნის ფენომენი,  რომელიც  ეფუძნება ”კორუფციასთან ბრძოლას და ერთობას პარლამენტსა და აღმასრულებელ ხელისუფლებას შორის”.

4 სექტემბერს გაკეთებულ მწვავე განცხადებებს შორის ნინო ბურჯანაძემ ასევე გააკრიტიკა სამთავრობო პროგრამა და მას ”განზრახულობათა დეკლარაცია” უწოდა.

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
9