Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სააკაშვილი გაეროს ”ამორალური რჩევების” გამო აკრიტიკებს
სივილ ჯორჯია, თბილისი / 6 სექ.'07 / 16:51
სივილ ჯორჯია

პრეზიდენტმა სააკაშვილმა 6 სექტემბერს განაცხადა, რომ საქართველოს არ სჭირდება საერთაშორისო ორგანიზაციების, კერძოდ კი გაეროს ”ამორალური და უბადრუკი” რეკომენდაციები და სანაცვლოდ ითხოვს მათგან გააზრებულ ქმედებებს, რაც ქვეყანას კონფლიქტის მოგვარებაში წინსვლის მიღწევაში დაეხმარება.

სოფელ განმუხურში პატრიოტთა ბანაკში გამოსვლისას პრეზიდენტმა სააკაშვილმა განაცხადა, რომ თბილისი უკმაყოფილოა გაეროს გენერალური მდივნის ბოლო მოხსენებით აფხაზეთის შესახებ.

ივლისში გამოქვეყნებულ მოხსენებაში გაეროს გენერალური მდივანი ბან გი-მუნი მოუწოდებს თბილისს ახალგაზრდული ბანაკი აფხაზეთის კონფლიქტის ზონიდან გაიყვანოს.

”მე მინდა ვუთხრა ყველა საერთაშორისო ორგანიზაციის ბიუროკრატს. ჩვენ უბადრუკი და ამორალური რჩევები არ გვჭირდება და მეგობრული კონსულტაციები იმის თაობაზე, რომ თურმე ბანაკი უნდა გავწიოთ აფხაზეთის საზღვრების იქით,” - განაცხადა სააკაშვილმა.

მისი თქმით, ”ბანდიტებმა” აფხაზეთში ასიათასობით ქართველი და სხვა ეროვნების ადამიანი გამოაძევეს თავიანთი სახლებიდან 90-იანი წლების დასაწყისში.  ”მოდით,  ეს ბანდიტები გამოვაგდოთ იქიდან; ჩვენ უკან დახევას არ ვაპირებთ,” - დასძინა მან.

”ჩვენ ვითხოვთ არა ასეთი ტიპის რჩევებს, არა ასეთი ტიპის მეგობრულ კონსულტაციებს, ჩვენ ვითხოვთ ხმის ამაღლებას, ჩვენ ვითხოვთ ანგარიშს იმაზე, რა გააკეთა გაერომ და სხვა ორგანიზაციამ იმისათვის, რომ აღმოფხვრილიყო კაცობრიობის წინააღმდეგ ჩადენილი სრულიად უგუნური, არაადამიანური, მე-20 საუკუნის ერთ-ერთი ყველაზე დიდი დანაშაულის შედეგები,” - განაცხადა პრეზიდენტმა.

”რა გაკეთდა იმისათვის, რომ შესრულდეს [გაეროს] ყველა რეზოლუცია, რომელიც ეხება დევნილთა დაბრუნებას გალში, პირველ რიგში, როგორც ყველგან წერენ - გალი აქვეა, გალი რა პრობლემაა - ჩვენ უნდა დავბრუნდეთ გაგრაში, ბიჭვინთაში, ოჩამჩირეში, სოხუმში,” - განაცხადა სააკაშვილმა. 

აფხაზეთის შესახებ გაეროს უშიშროების საბჭოს რეზოლუციები, ჩვეულებისამებრ, მოუწოდებს სოხუმს ხელი შეუწყოს დევნილთა დაბრუნებას ”კერძოდ, გალის რაიონში”, რომელიც ძირითადად ქართველებითაა დასახლებული.

სექტემბერის ბოლოს პრეზიდენტი სააკაშვილი ნიუ-იორკში მიემგზავრება, სადაც გაეროს გენერალური ასამბლეის სხდომაში მიიღებს მონაწილეობას.

თავის გამოსვლაში, სააკაშვილმა კიდევ ერთხელ გააფრთხილა რუსეთი თავი შეიკავოს აფხაზეთში ქონების შეძენისგან. 

ეს ქონება ეკუთვნით იმ ადამიანებს, რომლებიც გამოაძევეს აფხაზეთიდან და ”მისი დამცველი არის ქართული სახელმწიფო.”

”ნებისმიერი მცდელობა, თუნდაც ერთი მტკაველი მიწა რუსეთიდან ჩამოსულმა რომელიმე ავანტიურისტმა იყიდოს, მე ვაძლევ გარანტიას და სიტყვას, რომ ჩამოვართმევთ და არაფერს არ შევარჩენთ,” - განაცხადა სააკაშვილმა.

თავის გამოსვლაში, რომელიც პირდაპირი ეთერით გადაიცა, სააკაშვილმა ასევე ისაუბრა ერთობის შენარჩუნების საჭიროებაზე, რაზეც ის თავის ბოლო გამოსვლებში ხშირად საუბრობს.

”დღეს ჩვენ გვაქვს ისტორიული შანსი, რომ საბოლოოდ გავაერთიანოთ და გავაძლიეროთ საქართველო და ამას დიდი მცდელობა და ერთიანობა სჭრიდება,” - განაცხადა მან. ”ასეთი შანსი არ მისცემია არც ერთ თაობას ბოლო ათი საუკუნის განმავლობაში”.

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2020, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
20