Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
უმრავლესობა ოქრუაშვილის განცხადებებს ”აბსურდულ ცილისწამებას” უწოდებს
სივილ ჯორჯია, თბილისი / 25 სექ.'07 / 18:51

ყოფილი თავდაცვის მინისტრის ირაკლი ოქრუაშვილის ანტი-სახელისუფლებო განცხადებები ”უსაფუძვლო, ბინძური ცილისწამების და სიცრუის ნიაღვარი” იყო, განაცხადა მმართველი უმრავლესობის გავლენიანმა დეპუტატმა გიგა ბოკერიამ 25 სექტემბერს.

ბოკერიამ პრესკონფერენცია მას შემდეგ მოიწვია, რაც ირაკლი ოქრუაშვილმა, რომელმაც დღეს თავისი ოპოზიციური პარტიის ”მოძრაობა ერთიანი საქართველოსთვის” პრეზენტაცია გამართა, სააკაშვილის ადმინისტრაცია ”ფაშისტურ ტენდენციებში”, მკვლელობების შეკვეთებსა და ანტი-სახელმწიფოებრივ მოქმედებებში დაადანაშაულა.

”სრულიად შეუძლებელია სერიოზულად უპასუხო ამ აბსურდულ ბრალდებებს,”- განაცხადა ბოკერიამ.

მისი თქმით, ეს არის ”პოლიტიკური ხელშეუხებლობის შეძენის” მცდელობა ოქრუაშვილის მხრიდან.

”ძალიან სამწუხაროა, დასანანია და სიბრალულს იმსახურებს, როცა ვხედავთ როგორ დაეცა ერთ-ერთი ჩვენი თანაგუნდელი, როგორ განიცადა სრული დეგრადაცია და როგორ უღალატა იმ საქმეს, რასაც ვემსახურებოდით ყველანი ერთად,”- დასძინა მან.

ბოკერიამ ასევე აღნიშნა, რომ მმართველ გუნდში ”გარკვეული გაუცხოება” დაიწყო 2005 წლიდან, როცა ხელისუფლებამ  შიდა ქართლში ოქრუაშვილის ახლობელი პოლიციის მაღალჩინოსნები დააპატიმრა.

”ბოლო პერიოდში მისი კლანის წევრების მიმართ წაყენებულმა სერიოზულმა ბრალდებებმა, როგორც ჩანს ბატონი ოქრუაშვილი მწყობრიდან გამოიყვანა,”- განაცხადა ბოკერიამ. მას მხედველობაში ჰქონდა შიდა ქართლის ყოფილი გუბერნატორის მიხეილ ქარელის და ადგილობრივი მუნიციპალიტეტის ხელმძღვანელი პირების დაჭერა.

ბოკერიამ ასევე დარწმუნებით განაცხადა, რომ ოქრუაშვილს ვერ მოიპოვებს საზოგადოების მხარდაჭერას იმ განცხადებებით და იმ გუნდით, რომელიც მის გვერდით დგას და რომელთა უმრავლესობაც ვარდების რევოლუციის დროს ”ბარიკადის მეორე მხარეს” იდგა.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
14