Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პროკურატურა ოქრუაშვილის საქმის ახალ გარემოებებზე საუბრობს
სივილ ჯორჯია, თბილისი / 3 ოქტ.'07 / 17:10

გენერალურმა პროკურატურამ 3 ოქტომბერს გამოაქვეყნა ახალი მტკიცებულებები, რომელიც ადასტურებს რომ ირაკლი ოქრუაშვილის თავდაცვის მინისტრობის პერიოდში საწვავის მოწოდებაზე გაფორმებული უკანონო ხელშეკრულების საფუძველზე ბიუჯეტმა 205 ათას 500 დოლარის თანხა იზარალა.

გენპროკურორის მოადგილის ნიკა გვარამიას განცხადებით, საქმე ეხება ხელშეკრულებას, რომელიც  2006 წლის 27 ივნისს თავდაცვის სამინისტროს სახელმწიფო შესყიდვების დეპარტამენტის ყოფილმა უფროსმა იასონ ჩიხლაძემ, რომელიც ამჟამად ძებნაში იმყოფება, გააფორმა ვირჯინიის კუნძულებზე (ოფშორულ ზონაში) გაფორმებულ კომპანიასთან “AG Transport and Development” 4 ათასი ტონა საავიაციო ნავთის თურქმენეთიდან მიწოდებაზე საერთო ღირებულებით 2 მლნ 903 ათასი ამერიკული დოლარი.

”კონტრაქტში მოწოდებული 1 ტონა საწვავის ფასად 725,7 ამერიკული დოლარი დაფიქსირდა, მაშინ როდესაც იმ დროისათვის  საწვავის ღირებულება საერთაშორისო ბაზარზე 671,2 აშშ დოლარს შეადგენდა,”- განაცხადა გვარამიამ, ”ამასთანავე, ამ დროისათვის თავდაცვის სამინისტროს უკვე ჰყავდა ბენზინის მომწოდებელი კონტრაქტორი ფირმა შპს “ავიასაწვავსერვისი”, შესაბამისად არ არსებობდა არანაირი ობიექტური საბაბი ახალ კომპანიასთან კონტრაქტის გაფორმებისათვის. მით უფრო, რომ ამ პერიოდში შპს ”ავიასაწვავსერვისს” იგივე საწვავი, იმავე ქვეყნიდან – თურქმენეთიდან, შემოჰქონდა 1 ტონა 675 ამერიკულ დოლარად”.

გვარამიას განცხადებით, ამ ოფშორულ კომპანიასთან კავშირი ჰქონდა ირაკლი ოქრუაშვილის ახლო მეგობარს ქიბარ ხალვაშს, რასაც მისი დაცვის უფროსის დავით ველიჯანაშვილის ჩვენებები ადასტურებს, რომელიც პირადად იყო ჩართული საწვავის მოწოდების პროცედურებში. გამოძიებაში ასევე იკვეთება, რომ ირაკლი ოქრუაშვილი პირადად იყო დაინტერესებული ამ საქმით, აცხადებს გვარამია. 

მისი თქმით, ამ ახალი გარემოებების გამო მოხდება ირაკლი ოქრუაშვილისადმი კიდევ ერთი ბრალის წაყენება და მისი მეგობრის ქიბარ ხალვაშის მოწმის სახით დაკითხვა.

”ამ ეპიზოდით და ასევე მშენებლობასთან დაკავშირებული ეპიზოდით იკვეთება, რომ საკმაოდ მნიშვნელოვანი ინფორმაციების მატარებელი და ფიგურანტი არის ქიბარ ხალვაში, რომელიც ოფიციალურად არის გამოძიების ორგანოების მიერ ამ ეტაპზე მოწმედ დაბარებული,”- განაცხადა გვარამიამ, ”თუმცა ჩვენი ინფორმაციით იგი არის ამჟამად მიმალვაში და არ ცხადდება გამოძიების ორგანოებში”.

მშენებლობის ეპიზოდი უკავშირდება გამოძიების კიდევ ერთ მტკიცებულებას, რომლის მიხედვითაც ”2005 წლის იანვარში იმჟამინდელი თავდაცვის მინისტრი ირაკლი ოქრუაშვილი დაუკავშირდა თავის უახლოეს მეგობარს ქიბარ ხალვაშს, რომელსაც შეუთანხმდა მისთვის უპირატესობის მინიჭების მიზნით დაეფუძნებინათ სამშენებლო პროფილის საწარმო, რომელთანაც იგი გააფორმებდა ექსკლუზიურ ხელშეკრულებებს თავდაცვის სამინისტროს ობიექტების მშენებლობითი სამუშაოების შესასრულებლად”. ამ გარიგების ფარგლებში, აცხადებს პროკურატურა, ხალვაშის კომპანიამ 140 მლნ ლარის სამუშაოები შეასრულა.

წინასწარ პატიმრობაში მყოფი ირაკლი ოქრუაშვილი უარყოფს მის მიმართ წაყენებულ ყველა ბრალდებას და თავს პოლიტიკურ პატიმრად მიიჩნევს.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
11