Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პატარკაციშვილი ბოლოდროინდელ მოვლენებზე კომენტარს აკეთებს
სივილ ჯორჯია, თბილისი / 10 ოქტ.'07 / 12:50

ბიზნესმენმა ბადრი პატარკაციშვილმა განაცხადა, რომ გადაწყვტილება მისი ოლიმპიური კომიტეტის პრეზიდენტობის უფლებამოსილების შეჩერების თაობაზე უკანონო იყო და რომ იგი ამ თანამდებობაზე თავისი მოვალეობების განხორციელებას განაგრობს.
 
საქართველოს ეროვნულმა ოლიმპიურმა კომიტეტმა ბადრი პატარკაციშვილს პრეზიდენტის უფლებამოსილება 9 ოქტომბერს შეუჩერა მას შემდეგ, რაც ერთი დღით ადრე მმართველი პარტიის წევრებმა პატარკაციშვილი სახელმწიფოს წინააღმდეგ ”ინტრიგების ხლართვაში” დაადანაშაულეს თავდაცვის ყოფილი მინისტრის ირაკლი ოქრუაშვილის მეშვეობით.

BBC-ს რუსულ ბიუროსთან ინტერვიუში პატარკაციშვილმა განაცხადა, რომ ოლიმპიური კომიტეტის აღმასრულებელი საბჭოს ეს გადაწყვეტილება ”მოსალოდნელი იყო”.

”სხვადასხვა სპორტის ფედერაციების პრეზიდენტები გუშინ ღამე [8 ოქტომბერს] სასწრაფოდ შეკრიბეს [თბილისის] მერიის სპორტისა და კულტურის დეპარტამენტში და უთხრეს მათ სასწრაფოდ დაენიშნათ საქართველოს ეროვნული ოლიმპიური კომიტეტის აღმასრულებელი საბჭოს საგანგებო სხდომა,” - განაცხადა პატარკაციშვილმა.

”ყველა პროცედურა დაირღვა... ამრიგად, მე არ ვიხსნი ოლიმპიური კომიტეტის პრეზიდენტის მოვალეობებს; მე ვაგრძელებ ჩემი მოვალეობების შესრულებას, სანამ არ მოგვარდება ყველა პროცედურული საკითხი,”- აღნიშნა მან.

პატარკაციშვილმა ასევე განაცხადა, რომ შეტევა მის წინააღმდეგ მას შემდეგ დაიწყო, რაც ირაკლი ოქრუაშვილის აღიარებითი ჩვენების ვიდეოჩანაწერი გავრცელდა, რომელშიც ყოფილმა თავდაცვის მინისტრმა უარყო მისი ბრალდებები პრეზიდენტ სააკაშვილის წინააღმდეგ და განაცხადა, რომ მისი განცხადებები მისთვის და პატარკაციშვილისთვის ”პოლიტიკური დივიდენდების მოპოვებას” ისახავდა მიზნად.  

პატარკაციშვილის თქმით, ოქრუაშვილის აღიარებითი ჩვენების ვიდეოჩანაწერი ”დამთრგუნველი” იყო, ”მე ვფიქრობ, ამორალურია ასეთი ჩანაწერის ჩვენება ციხიდან”.

მან ხაზი გაუსვა, რომ ”ნორმალური, მეგობრული ურთიერთობები” აქვს ოქრუაშვილთან. ”ვერ ვიტყვი, რომ ახლო მეგობრები ვართ, მაგრამ ერთმანეთს რამდენიმე თვეში ერთხელ ვხვდებით. ეს ტენდენცია მას შემდეგ გრძელდება, რაც მან მთავრობა დატოვა”.

”მე მქონდა ინფორმაცია, რომ ის პოლიტიკური პარტიის ჩამოყალიბებას გეგმავდა. ეს ინფორმაცია მან თავად მომაწოდა. ასევე ვიცოდი, რომ ეს იქნებოდა ოპოზიციური და არა სახელისუფლებო პარტია,” - განაცხადა პატარკაციშვილმა.

ბიზნესმენმა ასევე აღნიშნა, რომ მას არ ეშინია რუსეთში მისი შესაძლო ექსტრადიციის.

”არ მეშინია ექსტრადიციის, რადგანაც არსებობს კონსტიტუცია [საქართველოში], რომლის დარღვევაც არ შეიძლება; მეორე მხრივ, ბრალდებები ჩემს წინააღდეგ პოლიტიკურად მოტივირებულია,” - განაცხადა მან.

თავის მომავალ გეგმებზე საუბრისას პატარკაციშვილმა განაცხადა: ”ვფიქრობ, რომ საქართველოში აშენდება ნორმალური დემოკრატიული სახელმწიფო და ვფიქრობ, საქართველო მალე იპოვის ქვეყნის ტერიტორიული მთლიანობის აღდგენის გზას. მე განვაგრძობ იმის კეთებას, რასაც ვაკეთებდი: იმ პროცესების მხარდაჭერას, რომლებიც მიმართულია იქითკენ, რომ საქართველო ასეთი [ქვეყანა] გახდეს”.

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
14