წინასწარი შედეგებით, მიხეილ სააკაშვილი ხელმეორედ იქნა არჩეული პრეზიდენტად ხმების 52.21%-ით, განაცხადა ცენტრალური საარჩევნო კომისიის თავმჯდომარემ ლევან თარხნიშვილმა 9 იანვარს.

”30 უბნიდან შედეგები კვლავ მისაღებია, თუმცა ეს საერთო სურათს არ შეცვლის,” - განაცხადა მან, ”ეს შედეგები მხოლოდ იმ შემთხვევაში შეიცვლება, თუ ზოგიერთი უბნის ან ოლქის შედეგები გაბათილდება სასამართლოს მიერ, ან ცესკო-ს გადაწყვეტილებით”.

არჩევნების მეორე ტურის ჩატარების საჭიროება აღარ არსებობს და სააკაშვილი ოფიციალურად გამარჯვებულად 13 იანვარს გამოცხადდება, დასძინა თარხნიშვილმა.