Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მმართველი პარტია და ოპოზიცია საზოგადოებრივ მაუწყებელზე მოლაპარაკებებში პროგრესს აღნიშნავენ
სივილ ჯორჯია, თბილისი / 26 თებ.'08 / 11:00
სივილ ჯორჯია

საქართველოს საზოგადოებრივი მაუწყებლის სამეურვეო საბჭოს დაკომპლექტებაზე პრინციპული შეთანხმება მიღწეულია, განაცხადეს ოპოზიციისა და მმართველი პარტიის წარმომადგენლებმა 25 თებერვალს გვიან საღამოს გამართული მოლაპარაკებების შემდეგ. თუმცა, შეხვედრის დეტალები სავარაუდოდ 26 თებერვალს გახდება ცნობილი.

მოლაპარაკებებში მონაწილეობა მიიღეს ლევან გაჩეჩილაძემ, გიორგი ხაინდრავამ, დეპუტატმა გია თორთლაძემ პარტიიდან მოძრაობა ერთიანი საქართველოსთვის, ახალი მემარჯვენეების ლიდერმა დავით გამყრელიძემ და მრეწველთა პარტიის ლიდერმა ზურაბ ტყემალაძემ. მმართველ პარტიას წარმოადგენდნენ პარლამენტის თავმჯდომარე ნინო ბურჯანაძე, დეპუტატები გიგა ბოკერია, პავლე კუბლაშვილი და გივი თარგამაძე.

ეს შეხვედრა პირველი იყო ხელისუფლებასა და ოპოზიციას შორის მას შემდეგ, რაც 22 თებერვალს ოპოზიციურმა კოალიციამ განაცხადა, რომ წყვეტს საპროტესტო და შიმშილობის აქციებს და მოლაპარაკებების მაგიდას უბრუნდება.

შეხვედრაზე ყურადღება გამახვილდა იმ 27 კანდიდატზე, რომელიც სამეურვეო საბჭოს წევრობის მსურველთა 235-კაციანი სიიდან შეირჩა. 

”ეს იყო კონსტრუქციული შეხვედრა,” - განაცხადა ახალი მემარჯვენეების ლიდერმა დავით გამყრელიძემ, ”მიღწეული იქნა პრინციპული შეთანხმება იმ ფორმებზე, თუ როგორ უნდა შეირჩნენ კანდიდატები”.

დეპუტატმა გია თორთლაძემ დააკონკრეტა, რომ ფაქტიურად მიღწეულია შეთანხმება იმაზე, თუ ვინ შევა კანდიდატთა 27-კაციან სიაში. ”ჩვენ განვსაზღვრეთ ის 27 ადამიანი, ვინც შეუძლება დასახელდეს. თუმცა, კვლავ გასარკვევია ზოგიერთი დეტალი, რაც ხვალ მოხდება,”- აღნიშნა მან. 

თუმცა, არც მან, არც სხვა მონაწილეებმა არ გაახმოვანეს შეთანხმების სხვა დეტალები, მათ შორის კანდიდატების ვინაობა. მათი განმარტებით, საზოგადოებრივმა ცნობისმოყვარეობამ შესაძლოა შეაფერხოს პროცესი.

”თავს შევიკავებ სახელების დაკონკრეტებისგან, რადგანაც კონსტულტაციები კვლავ მიმდინარეობს. რა თქმა უნდა, კონკრეტული გვარები იქნა განხილული, თუმცა ეს გვარები ხვალ გახდება ცნობილი,” - განაცხადა დეპუტატმა ირინა ქურდაძემ, რომელმაც ეს განცხადება პარლამენტის თავმჯდომარის სახელით გააკეთა, გადაცემა Primetime-ში, ”ჩვენ შევთანხმდით, რომ ყველა კანდიდატი მისაღები უნდა იყოს, პირველ რიგში, საზოგადოებისთვის და არა პოლიტიკური პარტიებისთვის”.

მოლაპარაკებები ამ საკითხზე სავარაუდოდ შუადღისთვის განახლდება და საბოლოო შეთანხმების მიღწევის შემთხვევაში, პარლამენტი ახალ სამეურვეო საბჭოს იმავე დღეს, მოგვიანებით უყრის კენჭს.

მოლაპარაკებების შემდეგ ასევე გახდა ცნობილი, რომ კიდევ ოთხ ადამიანს, რომლებიც 7 ნოემბრის მოვლენებთან დაკავშირებით დააპატიმრეს, 26 თებერვალს ან არაუგვიანეს 27 თებერვლისა გაათავისუფლებენ.  

”სულ რვა ადამიანი იქნა გათავისუფლებული და კიდევ ოთხს გაათავისუფლებენ; ეს დღეს შეთანხმდა,” - განუცხადა დეპუტატმა გია თორთლაძემ საზოგადოებრივ მაუწყებელს, ”მე ვფიქრობ, ამ თორმეტი ადამიანის გათავისუფლება დიდი მიღწევაა, რომელიც ღირს მოლაპარაკებად”. 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
41