Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
მმართველი პარტია მზადაა თბილისის ხარჯზე გამოყოს მაჟორიტარული კვოტები კონფლიქტურ რეგიონებზე
სივილ ჯორჯია, თბილისი / 11 მარ.'08 / 11:54

მმართველი პარტია მზადაა 75 მაჟორიტარული მანდატიდან თბილისისთვის განკუთვნილი 10 მანდატის 6-მდე შემცირების ხარჯზე 4 მაჟორიტარის კვოტა გამოუყოს აფხაზეთისა და სამხრეთ ოსეთის რეგიონებს.

5 იანვრის საპრეზიდენტო არჩევნებზე ოპოზიციამ დედაქალაქის ოლქების უმრავლესობაში მოუგო არჩევნები პრეზიდენტ სააკაშვილს.

ეს ინიციატივა მმართველი პარტიის ერთ-ერთმა ლიდერმა დავით კირკიტაძემ გაახმოვანა პარლამენტის დღევანდელ სხდომაზე, როგორც ”კომპრომისი” ოპოზიციის პრეტენზიების საპასუხოდ, რომლის მიხედვითაც 50-დან 75-მდე მაჟორიტარული მანდატების გაზრდაზე გადაწყვეტილების მიღების დროს ხელისუფლებამ არ გაითვალისწინა დროებით უკონტროლო კონფლიქტური რეგიონებისათვის მაჟორიტარული მანდატები.

მეორე მოსმენით აღნიშნულ საკონსტიტუციო ცვლილებებს, სავარაუდოდ, დღეს განიხილავს პარლამენტი ოპოზიციონერი დეპუტატების შიმშილობის აქციისა და შენობის გარეთ დაგეგმილი საპროტესტო აქციის ფონზე.

ოპოზიციონერმა დეპუტატებმა დღეს პარლამენტის სხდომაზე მოითხოვეს პარლამენტის თავმჯდომარისაგან ნინო ბურჯანაძისაგან დროის მითითება, თუ როდის განიხილავს პარლამენტი მაჟორიტარების არჩევის წესს, თუმცა კონკრეტული პასუხი ვერ მიიღეს. ამის შემდეგ მმართველი პარტიისა და ოპოზიციონერ დეპუტატებს შორის მცირე შეხლა-შემოხლას მოხდა, თუმცა ინციდენტი მალევე აღმოიხვრა.

ოპოზიციონერმა დეპუტატებმა მოუწოდეს მაჟორიტარ კოლეგებს არ დაუჭირონ მხარი საკონსტიტუციო ცვლილებებს. ოპოზიციის განცხადებით, პროპორციული სიების ხარჯზე მაჟორიტარების რიცხოვნობის გაზრდით, რაც მაჟორიტარული კორპუსის ინიციატივად წარმოჩინდა, ხელისუფლება ცდილობს მომავალ პარლამენტში უმრავლესობით შესვლის გარანტიები შეიქმნას.

”ეს არის მცდელობა კიდევ უკანონოდ მოვიდეს ის ძალა ხელისუფლებაში, რომელიც დღესაა, რაც გარდაუვალად შექმნის სამოქალაქო დაპირისპირებას ქვეყანაში,”- განაცხადა ოპოზიციური კოალიციის ლიდერმა, დეპუტატმა ლევან გაჩეჩილაძემ პარლამენტის სხდომაზე.

დამოუკიდებელმა დეპუტატმა გუგული მაღრაძემ პარლამენტის სხდომაზე გამოსვლისას მოუწოდა მმართველ პარტიას გადადგას ნაბიჯები სიტუაციის განმუხტვისაკენ, რადგან ”ბერკეტები თქვენს ხელშია”.

75 მაჟორიტარი დეპუტატის არჩევის წესი ამჟამად ოპოზიციასა და მმართველ პარტიას შორის უთანხმოების ერთ-ერთი მთავარი წყაროა. ეს წესი გულისხმობს 75 ოლქიდან თითო მაჟორიტარის არჩევას, თუმცა ოლქების ამ რაოდენობაში 4 მარტს პირველი მოსმენით კანონპროექტის მიღების დროს არ იყო გათვალისწინებული აფხაზეთისა და სამხრეთ ოსეთის ის რაიონები, რომელსაც თბილისი დროებით ვერ აკონტროლებს. თუ კონსტიტუციური ცვლილებების მიღება მეორე და მესამე მოსმენებითაც მოხერხდება, ამჟამად კონსტიტუციაში არსებული 50 მაჟორიტარი 75-მდე გაიზრდება, ხოლო პროპორციული წესით ასარჩევი 100 დეპუტატის რიცხვი 75-მდე დაიკლებს.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
13