Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ოპოზიცია შიმშილობის აქციას წყვეტს
/ 25 მარ.'08 / 20:28
სივილ ჯორჯია

ოპოზიციამ შეწყვიტა ჩვიდმეტდღიანი შიმშილობის აქცია ისე, რომ ვერ აიძულა ხელისუფლება დათმობებზე წასულიყო ძირითად საარჩევნო საკითხებზე.

25 მარტს პარლამენტის წინ რამდენიმე ათასიან აქციაზე გამოსვლისას ხალხის პარტიის ლიდერმა კობა დავითაშვილმა განაცხადა: ”ვამთავრებთ შიმშილობის აქციას, მაგრამ ბრძოლას ვაგრძელებთ”.

ამ განცხადებას წინ უძღოდა პრეზიდენტ სააკაშვილის განცხადება, რომელმაც ნათლად მიანიშნა, რომ ხელისუფლება არ აპირებდა ოპოზიციასთან დათმობაზე წასვლას და ასევე საქართველოს კათალიკოს-პატრიარქის მოწოდება შეეწყვიტათ შიმშილობის აქცია. ოპოზიციის ლიდერებმა თავიანთი გადაწყვეტილების მოტივად პატრიარქის მოწოდება დაასახელეს. რვა პარტიისგან შემდგარმა ოპოზიციურმა კოალიციამ შიმშილობის აქცია 9 მარტს დაიწყო, ხოლო დეპუტატები ახალი მემარჯვენეებიდან მათ 10 მარტს შეუერთდნენ.

”სააკაშვილმა ომი გამოგვიცხადა და ჩვენ ვიღებთ ამ გამოწვევას. ჩვენ ბეჭებზე დაგდებთ შენ [მიმართა პრეზიდენტ სააკაშვილს] და შენ თარხნიშვილს [ცესკოს თავმჯდომარე],” - განაცხადა დავითაშვილმა აქციაზე.

მისი თქმით, ოპოზიცია ასევე წყვეტს საპროტესტო აქციას პარლამენტის წინ. ეს განცხადება ზოგიერთმა მხარდამჭერმა გააპროტესტა. ერთმა ქალბატონმა ოპოზიციას ”მოღალატეებიც” კი უწოდა. თუმცა, დავითაშვილმა მოუწოდა მხარდამჭერებს ხვალ ტელეკომპანია ”იმედთან” შეიკრიბონ, რათა დაიცვან ტელევიზია, როგორც მან განაცხადა, ხელისუფლების ხელში ჩაგდებისგან. შიმშილობის აქციის შესახებ  გადაწყვეტილების წინააღმდეგ ზოგიერთი მოშიმშილეც გამოვიდა. ერთ-ერთ მოშიმშილეს გიორგი ხაინდრავასთან მოუვიდა სიტყვიერი დაპირისპირება ამ გადაწყვეტილების გამო. მოგვიანებით, ხაინდრავამ მომიტინგეებს განუცხადა, რომ აქცია არ დაიშლებოდა და ღამეს გაათევდა ”იმედის” მხარდასაჭერად.

აქციაზე გამოსვლისას კობა დავითაშვილმა ასევე გააფრთხილა: ”თუ 21 მაისის საპარლამენტო არჩევნები გაყალბდება, როგორც ეს 5 იანვარს მოხდა, ოპოზიცია ხალხს აჯანყებისკენ მოუწოდებს. თუ სააკაშვილს ახალი რევოლუცია უნდა, იგი მიიღებს ამ რევოლუციას, მაგრამ ეს არ იქნება ხავერდოვანი რევოლუცია,” - დასძინა მან.

შიმშილობის აქციის დასრულების შემდეგ ოპოზიციური პარტიები ახლა წინასაარჩევნო კამპანიაში ჩაერთვებიან. თუმცა, ჯერჯერობით გაურკვეველი რჩება, თუ როგორი კონფიგურაცია ექნება ოპოზიციას არჩევნების წინ. ადრე ოპოზიციურმა კოალიციამ განაცხადა, რომ ისინი ერთიანი ძალებით იყრიან კენჭს პარლამენტში. ბოლო დროს განვითარებულმა მოვლენებმა და ოპოზიციური კოალიციის და ახალი მემარჯვენეების ერთობლივმა შიმშილობის აქციამ წარმოშვა ვარაუდები, რომ ამ ორმა ჯგუფმა შესაძლოა ძალები გააერთიანონ. რესპუბლიკურმა პარტიამ, რომელმაც ცოტა ხნის წინ დატოვა კოალიცია, განაცხადა, რომ ის დამოუკიდებლად მიიღებს არჩევნებში მონაწილეობას.

ახალ პარლამენტში სულ 150 ადგილი იქნება. მათი ნახევარი პარტიული სიებით არჩეული დეპუტატებით დაკომპლექტდება, ხოლო მეორე ნახევარი 75 ერთმანდატიან მაჟორიტარულ ოლქში არჩეული დეპუტატებით. მმართველ პარტიას უპირატესობა აქვს ოპოზიციასთან შედარებით, რომ მეტი მანდატები მოიპოვოს ახალ პარლამენტში, მაშინ როცა კანონის თანახმად, რაიონის ამომრჩევლის 30%-მა მაინც უნდა დაუჭიროს კანდიდატს მხარი, რომ მან პირველივე ტურში მოიგოს არჩევნები.

 

 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
10