Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ირაკლი ოქრუაშვილს 11-წლიანი პატიმრობა მიესაჯა
სივილ ჯორჯია, თბილისი / 28 მარ.'08 / 12:33

თბილისის საქალაქო სასამართლომ დღეს 11 წლის ვადით თავისუფლების აღკვეთა დაუსწრებლად შეუფარდა თავდაცვის ყოფილ მინისტრს, ოპოზიციური მოძრაობა ერთიანი სქართველოსთვის ლიდერს ირაკლი ოქრუაშვილს.

შედეგად, ოქრუაშვილს საპარლამენტო არჩევნებში მონაწილეობის უფლება აღარ ექნება.

სასამართლოს გადაწყვეტილებით ოქრუაშვილი მსჯავრდებულია თავდაცვის მინისტრობის პერიოდში ქრთამის აღების და განსაკუთრებით დიდი ოდენობით გამოძალვის მუხლებით. სასამართლომ მას მოუხსნა ფულის გათეთრებასა და სამსახურებრივი გულგრილობაზე წაყენებული ორი ბრალდება.

იმავდროულად, 28 მარტს სასამართლომ 5 წლით პირობითი სასჯელი და 10 ათასი ლარის ჯარიმა შეუფარდა ოქრუაშვილის საქმესთან კავშირში მყოფ პრეზიდენტის ყოფილ საპარლამენტო მდივანს დიმიტრი ქიტოშვილს.

სასამართლოს განცხადებით, ორივე საქმეზე გამამტყუნებელ განაჩენს საფუძვლად დაედო დაზარალებულისა და მოწმეთა ჩვენებები, საქმეში არსებული და სასამართლო გამოძიებით შეკრებილი მტკიცებულებები, მათ შორის დაზარალებული ჯემალ სვანიძის ჩვენება, რომ მისი კუთვნილი წილი შპს ”ჯეოსელში” ირაკლი ოქრუაშვილის მეგობარ გურამ გოგუას არარეალურ ფასად დაუთმო ირაკლი ოქრუაშვილისა და დიმიტრი ქიტოშვილის მოთხოვნით. მისი ჩვენებით, წილის დათმობაზე გავლენა მოახდინა ოქრუაშვილისა და ქიტოშვილის სამსახურებრივმა მდგომარეობამ.

ირაკლი ოქრუაშვილი, რომელიც პოლიტიკურ არენაზე ხელახლა გამოჩენისთანავე, გასულ სექტემბერს ოთხი ბრალდებით დააპატიმრეს და მოგვიანებით გირაოს გადახდის საფუძველზე გაათავისუფლეს, ამჟამად პარიზში შიდა პატიმრობაში იმყოფება. საფრანგეთის სასამართლომ მისი შესაძლო ექსტრადირების საკითხი 16 აპრილს უნდა გადაწყვიტოს.  

საქართველოში მის მიმართ სასამართლო საქმის განხილვა 20 მარტს ოქრუაშვილმა ”პოლიტიკურ ფარსად” შეაფასა. მან ასევე განაცხადა, რომ ხელისუფლება მის მიმართ გამამტყუნებელ განაჩენს მისი საპარლამენტო არჩევნებში მონაწილეობის დასაბლოკად გამოიტანს.


 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
13