Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
სააკაშვილი ოპოზიციის მიერ დაგეგმილი აქციის წინ დიალოგისკენ მოუწოდებს
სივილ ჯორჯია, თბილისი / 25 მაი.'08 / 21:45

პრეზიდენტმა სააკაშვილმა ოპონენტებს ”დიალოგისა და ერთობისკენ” მოუწოდა და იმედი გამოთქვა, რომ ქვეყნის ინტერესები პირად ამბიციებზე გაიმარჯვებს.

სააკაშვილმა ეს განცხადება 25 მაისს სამების საკათედრო ტაძარში გააკეთა, სადაც ის საქართველოს კათალიკოს-პატრიარქის ილიას მეორეს მიერ ჩატარებულ წირვას დაესწრო, ოპოზიციის მიერ დაგეგმილ აქციამდე ერთი დღით ადრე. სწორედ ამ აქციაზე აპირებს ოპოზიცია არჩევნების შედეგების გაპროტესტებას. ლეიბორისტულმა პარტიამ, ქრისტიანულ-დემოკრატიულმა პარტიამ და რესპუბლიკურმა პარტიამ განაცხადეს, რომ ისინი ცხრა პარტიის ოპოზიციური კოალიციის აქციას შეუერთდებიან.

პრეზიდენტ სააკაშვილს სამების ტაძარში ახლდა რამდენიმე ახლადარჩეული დეპუტატი.

”საქართველო განსაკუთრებული ქვეყანაა, რომელმაც მთელი მსოფლიოს დასანახად, ჩვენი მეგობრების გასახარად და არაკეთილმოსურნეების იმედგასაცრუებლად, ურთულესი გამოცდა ჩააბარა, მაგრამ მთავარი გამოცდა ჯერ კიდევ წინ გვაქვს,” - განაცხადა სააკაშვილმა. ”ჩვენი უმთავრესი მიზანია აღვადგინოთ საქართველოს მთლიანობა და შევქმნათ ძლიერი საზოგადოება. ყველას მოუწოდებთ ერთიანობისკენ და დიალოგისკენ. გვჯერა, რომ ყველა ადამიანი პირად წყენასა და ამბიციაზე მაღლა დადგება და ყველაზე მაღლა საზოგადოებრივ კეთილდღეობას, საქართველოს თავისუფლებას, თავისი ქვეყნის მომავალს, ერთიანობას და საქართველოს არაკეთილმოსურნეებზე გამარჯვებას დააყენებს. ჩვენ ყველას ვუწვდით ხელს”. 

მან ასევე განაცხადა, რომ ის მთლიანად იზიარებს პატრიარქის სიტყვებს, რომელმაც თავის ქადაგებაში ერთიანობისკენ მოუწოდა და განაცხადა: ”ჩვენ ყველამ ერთმანეთს უნდა მოვუსმინოთ”.

ახალი მემარჯვენეების ლიდერმა დავით გამყრელიძემ 25 მაისს განაცხადა, რომ ხელისუფლება შეეცადა გამოეყენებინა  ქართული მართლმადიდებლური ეკლესიის ზეგავლენა, რათა დაერწმუნებინა  ოპოზიცია უარი ეთქვა ახალი პარლამენტის ბოიკოტირებისთვის.

”მინდა მოვუწოდო ხელისუფლებას და გავაფრთხილო ისინი, ნუ შეეცდებიან პატრიარქის და ჩვენი დედა ეკლესიის ჩართვას; მისი ჩართვა პოლიტიკური პროცესში ამორალურია,” - განაცხადა გამყრელიძემ. ”ჩვენ ასევე ვთხოვთ პატრიარქს არ ჩაერთოს ამ პროცესში და ნუ ითამაშებს მედიატორის როლს”.

მოგვიანებით 25 მაისს პრეზიდენტმა სააკაშვილმა განაცხადა საფრანგეთის ქართული დიასპორის წარმომადგენელთან ოთარ ზურაბიშვილთან შეხვედრაზე, რომ არჩევნების შედეგებმა წარმოაჩინა ქართველი ხალხის სიბრძნე.

”მიუხედავად ოთხწლიანი მტკივნეული რეფორმებისა, რეფორმისტულმა ძალამ კვლავ მოიპოვა მნიშვნელოვანი გამარჯვება და მიიღო თითქმის იგივე დონის მხარდაჭერა, როგორც ეს ოთხი წლის წინ იყო [როდესაც მმართველმა პარტიამ 66.24% მიიღო]. ეს ქართველი ხალხის სიბრძნის გამოხატულება,” - განაცხადა მან.

მისი თქმით, ”კარგ არჩევნებს” სასიცოცხლო მნიშვნელობა აქვს ქვეყნის უსაფრთხოებისთვის, რადგანაც, მისი თქმით, არსებობებ ადამიანები, მათ შორის დასავლეთ ევროპის ქვეყნებში, რომლებიც ფიქრობდნენ, რომ თუ არჩევნები ცუდად ჩატარდებოდა, ეს იქნებოდა კარგი გამართლება მათი უარისა ”დაგვიცვან ჩვენი მეზობლის აგრესიული ქმედებისგან”.

”მე ვფიქრობ ამ ხალხს იმედები გაუცრუვდათ, რადგანაც პრაქტიკულად ყველა ობიექტურმა დამკვირვებელმა და სახელმწიფომ შეაფასა ეს არჩევნები როგორც კარგი და პროგრესული,” - განაცხადა სააკაშვილმა.

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2020, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
12