Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
საზოგადოებრივი მაუწყებლის სამეურვეო საბჭოს თავმჯდომარემ თანამდებობა დატოვა
სივილ ჯორჯია, თბილისი / 30 მაი.'08 / 15:27

საზოგადოებრივი მაუწყებლის სამეურვეო საბჭოს თავმჯდომარემ ერეკლე ტრიპოლსკიმ დღეს ოფიციალური განცხადება გააკეთა თანამდებობის დატოვების შესახებ და ასევე გააკრიტიკა საზოგადოებრივი მაუწყებლის გენერალური დირექტორი ლევან ყუბანეიშვილი ”მის მიერ ნაკისრი ვალდებულებების შეუსრულებლობის” გამო.

სამეურვეო საბჭოს თავმჯდომარის მოვალეობას დროებით მისი მოადგილე ლევან გახელაძე შეასრულებს.

პირველად ტრიპოლსკიმ პოსტიდან გადადგომის შესახებ განცხადება 27 მაისს გააკეთა 26 მაისის საპროტესტო აქციების არაობიექტური გაშუქების გამო, თუმცა მეორე დღეს მან შეცვალა ეს გადაწყვეტილება. 

”დღეს ვიხსნი ჩემს უფლებამოსილებას და საბჭოს წევრობიდანაც გადავდგები,”- განაცხადა ერეკლე ტრიპოლსკიმ სამეურვეო საბჭოს სხდომაზე 30 მაისს, ”მინდა, რომ ჩემი ეს ნაბიჯი არ იქნას საზოგადოების მხრიდან გაგებული არასწორად, როგორც პასუხისმგებლობისთვის თავის არიდება. უბრალოდ დავრწმუნდი, რომ საზოგადოების წინაშე ჩემს მიერ ნაკისრი ვალდებულებების კეთილსინდისიერად განხორციელება არსებული ვითარებიდან გამომდინარე შეუძლებელია”.

მან იმედი გამოთქვა, რომ მისი გადაწყვეტილება კიდევ ერთხელ დააფიქრებს საზოგადოებას ტელევიზიაში არსებული სიტუაციის შესახებ.

მისი თქმით, დღევანდელი გენდირექტორი ლევან ყუბანეიშვილი ”საზოგადოების დროულ და ყოველდღიურ” ინფორმირებას ”არ ან ვერ ახორციელებს”.

მან მოუწოდა საბჭოს დანარჩენ წევრებს ”მწვავედ და კრიტიკულად შეაფასონ” გენდირექტორის საქმიანობა და ასევე შეახსენა, რომ მათ აქვთ უფლება ”უნდობლობა გამოუცხადონ გენერალურ დირექტორს მის მიერ ნაკისრი ვალდებულებების შეუსრულებლობის გამო”.

მან ასევე განაცხადა: ”ვერ გავხდები ვერცერთი იმ პოლიტიკური სუბიექტის მძევალი, ვინც ჩემს დამტკიცებას ხმა მისცა პარლამენტში კენჭისყრისას”.

მისი ერთ-ერთი მოტივაცია თანამდებობიდან წასვლისას იყო სამეურვეო საბჭოს შეზღუდული საკანონმდებლო უფლებები. 

”აუცილებელია სამეურვეო საბჭო გახდეს უფლებამოსილი და ქმედითი ორგანო და უზრუნველყოს საზოგადოების ინტერესების დაცვა,”- აღნიშნა მან,  ”საქართველოში რეალურად არსებული ვითარების ფონზე ახალი ამბების დროული, ადეკვატური და ყოველმხრივი მიწოდება დღეს განსაკუთრებით აქტუალურია. სწორედ ამიტომ მაუწყებლის სამეურვეო საბჭოს თითოეული წევრი ვალდებულია ამ საკითხების შესწავლას და შეფასებას სამართლიანად და ზნეობრივად მიუდგეს და არ დარჩეს ე.წ კვოტების მძევლად”.

მას ”კვოტებში” მხედველობაში ჰქონდა ხელისუფლებისა და ოპოზიციის წარდგენით არჩეული წევრები სამეურვეო საბჭოში. 

ამავე თემაზე
უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
33