Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ქართველი პოლიტიკოსები სეპარატისტულ რეგიონების აღიარებაზე რუსი დეპუტატების გადაწყვეტილებას აფასებენ
სივილ ჯორჯია, თბილისი / 25 აგვ.'08 / 19:27

საქართველოს პრემიერ-მინისტრმა ლადო გურგენიძემ დააკნინა რუსეთის საკანონმდებლო ორგანოს ორივე პალატის მიერ დღეს მიღებული გადაწყვეტილება თვითგამოცხადებული აფხაზეთისა და სამხრეთ ოსეთის დამოუკიდებლობის აღიარების თაობაზე.

”ამ ნაბიჯით რუსეთი უფრო მეტ იზოლაციაში მოიქცევს თავს და დარჩება მარტო,”- განაცხადა მან, ”ამას არ მოჰყვება საერთაშორისო აღიარება, განსაკუთრებით ოდიოზურ სახელმწიფოს თუ არ ჩავთვლით, ამიტომ ამ თემაზე რაღაც განსაკუთრებული კომენტარი არ ღირს”.

სახელმწიფო მინისტრმა რეინტეგრაციის საკითხებში თემურ იაკობაშვილმა რუსი დეპუტატების გადაწყვეტილება შეაფასა, როგორც ”ეთნიკური წმენდის” დაკანონება.

”რაღა თქმა უნდა ამას ჩვენ ვერ დაუშვებთ,”- განაცხადა მან, ”ყველა ზომას მივმართავთ, ყველა ღონეს ვიხმართ იმისათვის, რომ ეს არ მოხდეს. პირველ რიგში,  საერთაშორისო დონეზე”.

”ამ გადაწყვეტილებას არ აღიარებს და არაფრად არ მიიჩნევს ცივილიზებული სამყარო, რაც არაერთხელ დაადასტურა”, - განაცხადა პარლამენტის თავდაცვისა და უშიშროების კომიტეტის თავმჯდომარემ გივი თარგამაძემ, ”კუბასთან და ბელორუსიასთან ურთიერთობაში თუ გამოიყენებენ ამ თავის გადაწყვეტილებას, ღმერთმა ხელი მოუმართოთ. ამიტომ ეს თემა ამითივე ამოიწურება”. 

”შეიძლება მან [რუსეთმა] და მისმა მონებმა იქ ცხინვალში და სოხუმში იზეიმონ და რაღაც დღესასწაულები მოაწყონ, მაგრამ ჩვენ უნდა დავკავდეთ საქმით,”- დაძინა თარგამაძემ.

რუსეთის ფედერაციის საბჭოსა და სათათბიროს გადაწყვეტილება მას შემდეგ მიიღებს რეალურ იურიდიულ ძალას, რაც პრეზიდენტი დიმიტრი მედვედევი გაიზიარებს მათ რეკომენდაციებს. 

”თუ [დიმიტრი] მედვედევმა ხელი მოაწერა და შეიძლება პარადოქსულადაც ჟღერდეს, მაგრამ  - ნეტა მოაწეროს, იგი [საფრანგეთის პრეზიდენტ ნიკოლა] სარკოზის უკვე მეორე სილას აწნავს სახეში. ატყუებს უფრო ღიად, ცალსახად ვიდრე ეს ბუფერულ ზონების ირგვლივ არსებული სიტუაციაა,” - განაცხადა პარლამენტის ევროინტეგრაციის კომიტეტის თავმჯდომარემ დავით დარჩიაშვილმა.

Deutsche Presse-Agentur (DPA) 25 აგვისტოს იტყობინება გერმანიის მთავრობის ოფიციალურ წარმომადგენელზე თომას შტეგზე დაყრდნობით, რომ რუსეთის საკანონმდებლო ორგანოს გადაწყვეტილებები წინააღმდეგობაში მოდის საქართველოს ტერიტორიული მთლიანობის პრინციპთან. მისი თქმით, გერმანია არ ელის, რომ რუსეთის პრეზიდენტი ამ გადაწყვეტილებებს გაიზიარებს.

ამ თემაზე საქართველოს მთავრობის წევრებმა კომენტარები გორში გააკეთეს, სადაც მთავრობის სხდომას პრეზიდენტი სააკაშვილი უძღვებოდა. სააკაშვილმა განუცხადა მინისტრებს, რომ დაიწყება 18-თვიანი ”ძალიან რთული” რეკონსტრუქციის პროგრამა, რომელიც ასევე მოიცავს კონფლიქტის შედეგად დაზარალებულთათვის კომპენსაციების გადახდას და დანგრეული და დაზიანებული სახლებისა და სხვა ინფრასტრუქტურის მშენებლობას.

”უახლოესი სამი თვე არის კრიტიკული,”- განაცხადა სააკაშვილმა, ”შემდგომი 15 თვე უკვე არის აღორძინების და ახალ ეკონომიკურ ზრდაზე გასვლის პერიოდი”.

 

 

 

 

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2023, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
18