Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ჰააგის საერთაშორისო სასამართლო საქართველოს სარჩელზე გადაწყვეტილებას მიიღებს
სივილ ჯორჯია, თბილისი / 7 ოქტ.'08 / 11:50

ჰააგის საერთაშორისო სასამართლო 15 ოქტომბერს მიიღებს გადაწყვეტილებას საქართველოს თხოვნასთან დაკავშირებით დროებითი ზომები დააკისროს რუსეთს, განაცხადა სასამართლომ 6 ოქტომბერს გამოქვეყნებულ განცხადებაში.

რუსეთის წინააღმდეგ 12 აგვისტოს ჰააგის საერთაშორისო სასამართლოში შეტანილ სარჩელში საქართველომ განაცხადა, რომ რუსეთმა აფხაზეთის და სამხრეთ ოსეთის სეპარატისტული ხელისუფლების საშუალებით დაარღვია კონვენცია, რომელიც რასიზმის აღმოფხვრას ეხება.

საქართველოს მტკიცებით რუსეთმა დაარღვია 1965 წლის საერთაშორისო კონვენცია რასობრივი დისკრიმინიციის ყველა ფორმის აღმოფხვრის თაობაზე (CERD) ”სამხრეთ ოსეთსა და აფხაზეთში მისი ინტერვენციის სამი მკაფიო ფაზის დროს” 1990 წლიდან 2008 წლის აგვისტოს პერიოდში.

საქართველო ითხოვს, რომ სასამართლომ დროებითი ზომები დააკისროს რუსეთს, რაც დაეხმარება რუსების მიერ აგვისტოში ოკუპირებულ ტერიტორიებზე ქართული მოსახლეობის ეთნიკური წმენდის შეჩერებას.

კერძოდ, საქართველო ითხოვს, რომ რუსეთმა მიიღოს ზომები, რაც უზრუნველყოფს, რომ არც ერთი ეთნიკური ქართველი ან სხვები არ გახდებიან რასობრივი დისკრიმინაციის ძალადობრივი ან იძულებითი ქმედებების მსხვერპლი; თავი შეიკავოს ისეთი ზომების მიღებისგან, რაც საფრთხეს შეუქმნის ეთნიკური ქართველების უფლებებს სამხრეთ ოსეთის და აფხაზეთის საზოგადოებრივ საქმეებში თანასწორუფლებიანი მონაწილეობა მიიღონ; თავის შეიკავოს ისეთი ქმედებებისგან ან ისეთი ზომების მხარდაჭერისგან, რაც ჩამოართმევს სამხრეთ ოსეთიდან, აფხაზეთიდან და მათი მიმდებარე ტერიტორიებიდან გამოძევებულ ეთნიკურ ქართველებს და სხვებს თავიანთ უფლებას დაბრუნდნენ საკუთარ სახლებში.     

ამის საპასუხოდ რუსეთმა განაცხადა 8-10 სექტემბერს სასამართლოში გამართულ მოსმენაზე, რომ ეს საქმე ჰააგის სასამართლოს უფლებამოსილებას აღემატება.

რუსეთის წარმომადგენელმა ასევე განაცხადა მოსმენაზე, რომ რუსეთი ვერ შეძლებს საქართველოს მოთხოვნების დაკმაყოფილებას.

”შეუძლებელია დროებითი ზომების დაკისრება, როგორც ეს განმცხადებელმა [საქართველომ] ჩამოაყალიბა თავის სარჩელში, რადგანაც ისინი ისეთ ვალდებულებებს დააკისრებს რუსეთს, რომელთა შესრულებაც მას არ შეუძლია,” - განაცხადა რუსეთის საგარეო საქმეთა სამინისტროს იურიდიული დეპარტამენტის ხელმძღვანელმა რომან კოლოდკინმა.

”რუსეთის ფედერაცია ვერ ახორციელებს ეფექტურ კონტროლს სამხრეთ ოსეთთან და აფხაზეთთან, ან საქართველოს რომელიმე მიმდებარე ტერიტორიასთან მიმართებაში. სამხრეთ ოსეთის და აფხაზეთის ორგანოების ან კერძო ჯგუფების და ინდივიდუალური პირების ქმედებები კავშირში არ არის რუსეთის ფედერაციასთან,” - დასძინა მან.
 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2019, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
37