Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
პატარკაციშვილის ოჯახი ქონების დასაბრუნებლად აქტიურდება
სივილ ჯორჯია, თბილისი / 28 ოქტ.'08 / 16:40

ტელეკომპანია ”იმედის” და მთაწმინდის პარკის დაბრუნებისთვის გარდაცვლილი ბიზნესმენის ბადრი პატარკაციშვილის ოჯახი სამართლებრივი გზებით განაგრძობს ბრძოლას, განაცხადეს დღეს გამართულ პრესკონფერენციაზე ოჯახის წევრებმა.

”მე არა ვარ პოლიტიკოსი და ჩემი ამოცანა ”იმედის” დაბრუნებისას პოლიტიკურ ხასიათს არ ატარებს,” - განაცხადა პატარკაციშვილის მეუღლემ ინა გუდავაძემ 28 ოქტომბერს.

მისი თქმით, მისი მიზანია ტელეკომპანია გახდეს საზოგადოებისათვის ობიექტური და დაბალანსებული ინფორმაციის მიწოდების გარანტი.

”მე ვიღებ საკუთარ თავზე ამ პასუხისმგებლობას და ”იმედში” ისეთი პროფესიონალებისგან შემდგარ გუნდს მოვიყვან, რომლებიც ამ მისიის შესრულებას შეძლებენ,”- განაცხადა მან. 

დღესვე, პრესკონფერენციაზე ოჯახის წევრებმა წარმოადგინეს მათ მიერ დაქირავებული სასამართლო დოკუმენტაციის ამერიკელი ექსპერტის გას ლესნევიჩის მოხსენების რეზიუმე, სადაც აღნიშნულია რომ იმ დოკუმენტებზე ხელმოწერები, რომლის საფუძველზეც პატარკაციშვილის ნათესავი ჯოზეფ ქეი ოჯახის სურვილის წინააღმდეგ ტელეკომპანიის მფლობელი გახდა, ”ყალბია”.

”სამართლებრივ ბრძოლას საკმაოდ დიდი დრო სჭირდება და სწორედ ახლა მოვიპოვეთ ჩვენ იმისი დამამტკიცებელი საბუთი და ექსპერტის დასკვნა, რომ ნამდვილი არ არის ის დოკუმენტები, რომელსაც ჯოზეფ ქეი ეყრდნობოდა,”- განაცხადა პატარკაციშვილის ოჯახის ინტერესების დამცველმა ლორდ პიტერ გოლდსმიტმა დღევანდელ პრესკონფერენციაზე.

ბადრი პატარკაციშვილის ნათესავმა ჯოზეფ ქეიმ მარტში განაცხადა, რომ მან ტელეკომპანია და რადიო ”იმედის” აქციები გოგი ჯაოშვილისგან იყიდა ”უბრალოდ ფულის გადახდის შემდეგ”. გოგი ჯაოშვილი, გავრცელებული ინფორმაციით, პატარკაციშვილის ახლო მეგობარი, ფლობდა 70%-ს კომპანია JMG-ში. ეს კომპანია I-Media-ს აქციების 65%-ის მფლობელია, ეს უკანასკნელი კი ტელეკომპანია ”იმედის” 100%-იანი დამფუძნებელი და მფლობელია. ”იმედის” მიერ დეკემბერში საქართველოს კომუნიკაციების მარეგულირებელ კომისიაში წარდგენილი დოკუმენტების თანახმად,  I-Media-ს აქციების დარჩენილი 35%-ის მფლობელია Universal-ი - კომპანია, რომელიც პატარკაციშვილის სამმა ნათესავმა დააფუძნა. ქეიმ უარყო განცხადებები, რომ ამ გარიგების უკან ხელისუფლება დგას.

იმავდროულად, ინა გუდავაძემ აღნიშნა, რომ ასევე სამართლებრივი გზით შეეცდება მთაწმინდის პარკის დაბრუნებას, რომელიც პატარკაციშვილს გასული წლის 7 ნოემბერს ჩამოართვეს და ივლისიდან არაბთა გაერთიანებული საამიროების უმსხვილესი სამშენებლო კომპანია Rakeen-ის ხელში გადავიდა. Rakeen Georgia-მ დაადასტურა, რომ მან ხელი მოაწერა შეთანხმებას თბილისის მუნიციპალიტეტთან პარკის 49-წლიანი ვადით იჯარით აღების თაობაზე. კომპანიამ თბილისის მუნიციპალიტეტს ყოველწლიურად 300 000 ლარი უნდა გადაუხადოს.

 

 

 

 

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2022, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
8