Civil.ge-ს შესახებ
Eng | ქარ | Рус
ბოლო განახლება: 11:10 - 28 აპრ.'18
RSS
Mobile
Twitter
Facebook
ცხინვალის თქმით, საგუშაგო პერევში ”ხე-ტყის უკანონო გატანის” შესაჩერებლად შეიქმნა
სივილ ჯორჯია, თბილისი / 11 ნოე.'08 / 13:10

სამხრეთ ოსეთის დე ფაქტო ხელისუფლების წარმომადგენლებმა განაცხადეს, რომ მათ თავიანთი საგუშაგო სოფელ პერევში იმიტომ განათავსეს, რომ აღკვეთონ ხე-ტყის უკანონო გატანა.

”სამხრეთ ოსეთის სამართალდამცავი სტრუქტურების საგუშაგო ნამდვილად განთავსდა პერევში, რათა აღიკვეთოს ხის უკანონო ექსპორტი სამხრეთ ოსეთის ტერიტორიიდან,” - განაცხადა სეპარატისტული რეგიონის თავდაცვის მინისტრის მოადგილემ იბრაგიმ გასეევმა, ”სოფელი პერევი ჯავის რაიონის ნაწილია და ქართულ მხარეს მასთან არაფერი აქვს საერთო”.

”თუ ვინმე შეეცდება ძალისმიერი ქმედებების განხორციელებას საგუშაგოს წინააღმდეგ, სამხრეთ ოსური მხარე, რუსულ ძალებთან ერთად, რომლებიც სამხრეთ ოსეთში არიან განთავსებულნი საერთაშორისო შეთანხმების საფუძველზე, ადეკვატურ პასუხს მიიღებს,” - განაცხადა მან.

მან ასევე აღნიშნა, რომ სამხრეთ ოსური მხარე მაშინ გააუქმებს თავის საგუშაგოს პერევში, ”როდესაც ამას საჭიროდ ჩათვლის”.

თბილისმა და ევროკავშირის მონიტორინგის მისიამ შეშფოთება გამოთქვეს სოფელ პერევში განვითარებულ მოვლენებთან დაკავშირებით, სადაც ოსმა შეიარაღებულმა პირებმა განთავსება შაბათ-კვირას დაიწყეს.

სოფელი პერევი სამხრეთ ოსეთის ადმინისტრაციული საზღვრის დასავლეთით მდებარეობს. ამჟამად, ადმინისტრაციულად ეს სოფელი საჩხერის რაიონში შედის; თუმცა, რუსულმა ძალებმა ე.წ. ბუფერული ზონებიდან გასვლისას უარი თქვეს იქ თავიანთი საგუშაგოს მოხსნაზე იმ მოტივით, რომ თითქოს სოფელი სამხრეთ ოსეთის ყოფილი ავტონომიური ოლქის შემადგენლობაში შედიოდა.

”რუსულმა ძალებმა სამხრეთ ოსეთში კატეგორიული უარი თქვეს თავიანთი საგუშაგოს მოხსნაზე, მიუხედავად იმ ფაქტისა, რომ ის აშკარად მდებარეობს ადმინისტრაციული საზღვრის დასავლეთით,” - განაცხადა ევროკავშირის მონიტორინგის მისიამ 8 ნოემბერს გამოქვეყნებულ განცხადებაში.

”ევროკავშირის დამკვირვებლებს ურჩევნიათ მეტი დრო დაუთმონ უსაფრთხოების უზრუნველყოფას მათი პასუხისმგებლობის ზონაში, საიდანაც მუდმივად უხსნიან ცეცხლს ოსურ სოფლებს,” - განაცხადა გასეევმა.

სოფელ პერევში ძალადობის შესახებ ინფორმაცია არ ვრცელდება, თუმცა ვრცელდება ინფორმაცია იმის თაობაზე, რომ ადგილობრივი მოსახლეობა ტოვებს სოფელს იქ ოსი შეიარაღებული პირების განთავსების შემდეგ.

უახლესი ამბები
28 აპრ.'18 11:10
ვანის და ხონის საარჩევნო ოლქში შუალედური საპარლამენტო არჩევნები მიმდინარეობს
ერთმანდატიან საარჩევნო ოლქში არჩევნებში ხუთი პარტიის და ერთი საინიციატივო ჯგუფის წარმომადგენელები მონაწილეობენ.
27 აპრ.'18 18:49
ქართველი პოლიტიკოსები ბიძინა ივანიშვილის პარტიაში დაბრუნებას აფასებენ
ბიძინა ივანიშვილს ქართული ოცნების თავმჯდომარედ პარტიის ყრილობაზე აირჩევენ, რომელიც უახლოეს პერიოდში შედგება.
27 აპრ.'18 18:09
აშშ-ის სახელმწიფო მდივნის თანაშემწე საქართველოს ესტუმრება
ვეს მიტჩელი ხელისუფლების წარმომადგენლებს შეხვდება და ნატო-საქართველოს სახალხო დიპლომატიის ფორუმზე გამოვა სიტყვით.
26 აპრ.'18 19:07
სტოლტენბერგი: საქართველო ნატოს ‘ძალიან ახლო’ პარტნიორია
ნატოს გენერალური მდივნის თქმით, საგარეო საქმეთა მინისტრების შეხვედრა ქვეყნის პროგრესს აღიარებს.
26 აპრ.'18 16:47
ყოფილი პრემიერ-მინისტრი ბიძინა ივანიშვილი ქართული ოცნების თავმჯდომარე გახდება
პრემიერ კვირიკაშვილის თქმით, ივანიშვილს შესწევს ძალა გააძლიეროს პოლიტიკური პარტია და მას „ახალი დინამიკა“ შესძინოს.
25 აპრ.'18 18:33
ხაჯიმბამ მთავრობის ახალი ხელმძღვანელი დანიშნა
გენადი გაგულიას ორჯერ ეკავა ოკუპირებული რეგიონის პრემიერ-მინისტრის თანამდებობა.
25 აპრ.'18 15:17
საქართველოს რეიტინგი პრესის თავისუფლების ინდექსში გაუმჯობესდა
საქართველოს პოსტ-საბჭოთა ქვეყნებიდან, ბალტიისპირეთის ქვეყნების გარდა, არცერთი ქვეყანა არ უსწრებს.
25 აპრ.'18 14:18
გახარია ლიტვაში საგარეო და შინაგან საქმეთა მინისტრებს შეხვდა
საქართველოს და ლიტვის ოფიციალურმა პირებმა ევროკავშირთან უვიზო რეჟიმზე და სამართალდამცავ სტრუქტურებს შორის თანამშრომლობაზე ისაუბრეს.
24 აპრ.'18 17:29
განსხვავებული რეაქციები საქართველოში სომხეთის პროტესტზე
მმართველი პარტიის დეპუტატმა განაცხადა გუშინ, რომ „მთავარია მშვიდი ვითარება და სტაბილურობა ჩვენს სამეზობლოში“.
24 აპრ.'18 12:42
ცხინვალის ლიდერი იალტის ფორუმს დაესწრო და სირიის, იტალიის და სერბეთის დელეგაციებს შეხვდა
ანატოლი ბიბილოვმა 19-21 აპრილს იალტის საერთაშორისო ეკონომიკურ ფორუმში მიიღო მონაწილეობა.

სივილ ჯორჯიას შესახებ
Civil.Ge © 2001-2021, ახალი ამბები საქართველოდან
რეგისტრაციის ადგილი: დოლიძის ქ. 2, IV სართული.
16